Bana ba kerese
Lorato Trok
Wiehan de Jager
Bogologolo tala go kile ga nna lelapa lengwe le le itumetseng.
Bana ba ne ba utlwana mme ba sa rate ntwa. Ba ne ba thusa batsadi ba bona kwa gae le kwa masimong.
Mme ba ne ba sa letlelelwa go atamela fa thoko ga molelo.
Ba ne ba letlelelwa fela go dira ditiro tsa bona bosigo.
Ka gonne ba ne ba bopilwe ka kerese!
Mme mongwe wa basimane o ne a eletsa go bona letsatsi.
Ka letsatsi lengwe keletso ya gagwe e ne ya mo fenya. Basimane ba bangwe ba ne ba mo kgalema.
Mme go ne so setse go le thari! O ne a tlhapologa mo letsatsing.
Bana ba kerese ba ne ba utlwa botlhoko go bona o mongwe wa bona a tlhapologa.
Mme ba ne ba dira leano. Ba ne ba tsaya kerese e e tlhapologileng ba e aga go nna nonyane.
Ba ile ba tsaya nonyane e ba e baya kwa godimo ga thaba.
Fa letsatsi le tlhaba, o ile a fofela kwa godima a opela a itumetse.
You are free to download, copy, translate or adapt this story and use the illustrations as long as you attribute in the following way:
Bana ba kerese
Author - Southern African Folktale
Translation - Lorato Trok
Illustration - Wiehan de Jager
Language - Setswana
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
