Koko o tsietsa Lenong
Lorato Trok
Rob Owen
Bogologotala Koko le Lenong e ne ele ditsala. Ka letsatsi le lengwe Lenong o ne a fitlhela Koko a ikhutsitse mo tlase ga setlhare a tswa mabenkeleng. Koko o ne a eme ka leoto le le lengwe.
"Leoto la gago le lengwe le kae?" Lenong a botsa Koko.
"Ralebenkele o kgaotse leoto la me mme a mpha dikgetsi tse di tletseng dijo tse mo boemong," Koko a bolelela Lenong.
Lenong a botsa Koko gore a le ene a ka dira jalo. Le ene o ne a batla kgetsi ya dijo. Koko a dumela.
Lenong o ne a ya go ralebenkele, mme a kopa gore a mo kgaole leoto a mo fe dikgetsi tsa dijo mo boemong. Ralebenkele o ne a dumela.
Lenong o ne a tlola-tlola ka leoto le le lengwe go ya gae. Mme fela o ne a itumeletse dilo tse ralebenkele a mo fileng tsone.
Fa Lenong a fitlha kwa gae, o ne a fitlhela Koko a nale maoto a mabedi.
Lenong o ne a tenegile mme a lelekisa Koko. Mme fela a se mo tshware. Ka jalo, Lenong o dula a batlana le bana ba dikoko. Fa a tshwara mongwe wa bone, o a ba ja.
You are free to download, copy, translate or adapt this story and use the illustrations as long as you attribute in the following way:
Koko o tsietsa Lenong
Author - Nathan Higenyi
Translation - Lorato Trok
Illustration - Rob Owen
Language - Setswana
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
