UPalesa uthanda izityalo
Kholeka Mabeta
Jesse Pietersen
Lo nguPalesa. Uneminyaka esixhenxe ubudala. Igama lakhe lithetha ukuthi 'intyatyambo' kulwimi lwakhe iSetswana.
UPalesa uyavuka athethe nomthi weeorenji. "Nceda mthi weeorenji, khula ube mkhulu usinike amaorenji amaninzi avuthiweyo."
UPalesa uhamba ngeenyawo ukuya esikolweni. Endleleni uthetha nengca. "Nceda ngca, yiba luhlaza kakhulu ungomi."
UPalesa udlula kwiintyatyambo zasendle. "Ncedani zintyatyambo, qhamani ukuze ndihombise ngani iinwele zam."
Esikolweni uPalesa uthetha nomthi osembindini wesakhiwo. "Nceda mthi, khupha amasebe amakhulu ukwenzela sifundele phantsi komthunzi."
UPalesa uthetha nemithi yokubiyela ejikeleze isikolo sakhe. "Nceda ukhule womelele, unqande abantu abakhohlakeleyo bangangeni."
Xa uPalesa ebuyela ekhaya esuka esikolweni, undwendwela umthi weeorenji. "Ingaba awakavuthwa amaorenji wakho?" uyabuza uPalesa.
"Amaorenji aseluhlaza," wanesingqala uPalesa. "Ndiyakukubona ngomso mthi weeorenji," watsho uPalesa. "Mhlawumbi uyakube sele unalo iorenji elivuthiweyo lam."
You are free to download, copy, translate or adapt this story and use the illustrations as long as you attribute in the following way:
UPalesa uthanda izityalo
Author - Ursula Nafula
Translation - Kholeka Mabeta
Illustration - Jesse Pietersen
Language - isiXhosa
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
