Kungani Imvubu Ingena Tinwele
Trust Magagula and Mighty Mhlanga
Carol Liddiment
siSwati
Ngalelinye lilanga Logwaja beka hamba ngale eceleni kwemfula.
Nemvubu beyikhona nayo, beyitihambela nje itiyalukela, idlana netjani lobuluhlata lobumnandzi.
Imvubu ayizange ibone kwekutsi logwaja ukhona naye, ngeliphutsa imvubu yanyatsela linyawo lalogwaja. Logwaja wamemeta watsi, "Wena Mvubu! Awuboni kwekutsi uyangenyatsela?"
Yaticolisela iMvubu. "Ngiyacolisa mngani wami. Angizange ngikubone. Ngicela ungicolele!" Logwaja akalalelanga watsetsisa iMvubu, "Wente ngemabomu! Ngaleliye lilanga utowubona! Utakubhadalela lokwentile."
Wasuka Logwaja wafuna umlilo wawutfola watsi, "Hamba uyoshisa Mvubu uma aphuma kuyodla tjani. Unginyatselile!" Umlilo waphendvula watsi, "Akunakinga Logwaja mgani wami. Ngitokwenta njalo."
Kwatsi ngelikadze, Mvubu bekadla tjani kudze lena emfuleni "bhu" umlilo wavutsa waba lilangabi, lilangabi lashisa tinwele temvubu.
Imvubu yacala yakhala yagijimela emantini. IMvubu yachubeka yakhala, "Tinwele tami tishiswe ngumlilo! Tonkhe, tinwele tami tonkhe tihambile! Tinwele tami letinhle!"
Yingako imvubu ingahambeli kudze nemanti, kungenca yekwesabela kushiswa ngumlilo. Logwaja wajabula makabona imvubu isha, atsi, "Ngimtfolile."
You are free to download, copy, translate or adapt this story and use the illustrations as long as you attribute in the following way:
Kungani Imvubu Ingena Tinwele
Author - Basilio Gimo and David Ker
Translation - Trust Magagula and Mighty Mhlanga
Illustration - Carol Liddiment
Language - siSwati
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com