Azivumelekanga iihagu apha
Little Zebra Books
Little Zebra Books and Laura Libertore
isiXhosa


Kudala-dala, kwakukho iqela lezilwanyana ezineempondo elagqiba kwelokuba zibe nomdliva wetheko phezulu ezintabeni.
Zamema ezinye izilwanyana ezineempondo kuphela. Hayi ezinye.
Zamema ezinye izilwanyana ezineempondo kuphela. Hayi ezinye.
Yathi ihagu yakuva ngeli theko, yacinga, "Heee, andinazimpondo kanene. Ndiza kuthini bethu?"
Ngengomso, yeza necebo. Yazenzela iimpondo!
Yazincamathisele ngamafutha okuncamathisela.
Yazincamathisele ngamafutha okuncamathisela.
Lasebenza nyhani eli cebo, nehagu yazingomba isifuba ngokuhlakanipha xa ivunyelwa ukuba ingene kwitheko.
Ingxaki yayile yokuba umcimbi lo wawukwindawo ekufuphi nelanga.
Ingxaki yayile yokuba umcimbi lo wawukwindawo ekufuphi nelanga.
Lathi lisakuyondelelana itheko, kumnandi nyhani kujuxuzwa, suke aqalisa ukunyibilika amafutha.
Yhoo! Nazo iimpondo zisiwa. Zothuka ezinye izilwanyana ezineempondo. "Ngubani ke ngoku lo ungenampondo? Ungene njani apha?" zabuzana.
Yhoo! Nazo iimpondo zisiwa. Zothuka ezinye izilwanyana ezineempondo. "Ngubani ke ngoku lo ungenampondo? Ungene njani apha?" zabuzana.
Ikumkani yezilwanyana yangqokola isithi, "Nqakulani loo hagu niyiphosele kude le emhlabeni."
Hayi ke, zonke izilwanyana zithe zakuva ilizwi elibekwe yikumkani, zenza ngehagu njengoko ziyalelwe.
Hayi ke, zonke izilwanyana zithe zakuva ilizwi elibekwe yikumkani, zenza ngehagu njengoko ziyalelwe.
Zayixhakamfula ihagu, zayiphosa kude le ezantsi emhlabeni.
Owu usizana lwehagu! Laya kuwa bhuu phantsi ngempumlo. Impumlo yaba sibaca torho paca.
Owu usizana lwehagu! Laya kuwa bhuu phantsi ngempumlo. Impumlo yaba sibaca torho paca.
Ungothuki ke xa ubona ihagu inempumlo ethe paca ukuba sibaca oku, kuba ayizange itshintshe kusukela nga loo mini.
You are free to download, copy, translate or adapt this story and use the illustrations as long as you attribute in the following way:
Azivumelekanga iihagu apha
Author - Basilio Gimo
Translation - Little Zebra Books
Illustration - Little Zebra Books and Laura Libertore
Language - isiXhosa
Level - First paragraphs
Translation - Little Zebra Books
Illustration - Little Zebra Books and Laura Libertore
Language - isiXhosa
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://littlezebrabooks.com
Creative Commons: Attribution 4.0
Source www.africanstorybook.org
Original source http://littlezebrabooks.com

