Lwasiina tsifubu tsitamba bubwooya
Aryada Naomi Nora
Carol Liddiment and Little Zebra Books
Lutweela yaba Matuuyu aaba ali khuukyeenda khwikelemeesi lye khunyaantsa.
Wafubu naye aabaho, nga ikololakakho naluundi nga ali khuulya buunyaasi.
Wafubu saamanya ari Matuuyu naye aliiwo ta, ari abira waamusaamba khu sikele.
Matuuyu ahayuluukha waananikha khuuwotselela Wafubu ari, "Wafubu! Iwe suunyala khuubona uri waatsimile khu sikele ta?"
Wafubu wisonesa naabi wikootselela Matuuyu ari, "Musaale wase, sikhuboone ta. N'utsiyakhile."
Matuuyu saarekeeresa ta. Waawotselela Wafubu ari, "Ung'aliilemo. N'enyaanga ulibona! Ulihaanda!"
Matuuyu waamuloma Muliro ari, "Tsya nga Wafubu alirurire mu meetsi khuulya bunyaasi, umwoosye. Aasambile ise!"
Muliro wilamu ari, "Isyo sisyangu naabi. Iwe Matuuyu uli musaale wase. Inakhola nga nulomile."
Lwanyuma, Wafubu aaba ali khukhwaaya bunyaasi ataayikho khukhwaama iluutsi, aamanyilila wuusyi!
Kumuliro kukuutindiima kwananikha khukhwoosya bubwooya bweewe bwoosi.
Wafubu waananikha khukhwaatsuluukha, nga atima i meetsi. Bubwooya bweewe bwoosi bwaya.
Wafubu waabelelela khukhwaatsuluukha ari, "Bubwooya bwase bwayiila mu muliro! Woosya bubwooya bwase bwoosi bumiliyu bwawaho!
Nisyo siikila ni syaleelo Wafubu aayila aambi ni kameetsi. Arya Muliro khuumwoosya.
Matuuyu ekhoya naabi nga naabona Muliro woosyele Wafubu. Aloma ari, "Naamunyaliile!"
You are free to download, copy, translate or adapt this story and use the illustrations as long as you attribute in the following way:
Lwasiina tsifubu tsitamba bubwooya
Author - Basilio Gimo and David Ker
Translation - Aryada Naomi Nora
Illustration - Carol Liddiment and Little Zebra Books
Language - Lumasaaba
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com
