Mbuzi, Mbwa na Ng'ombe
Brigid Simiyu
Marleen Visser
Mbuzi, Mbwa na Ng'ombe walikuwa marafiki wakubwa. Siku moja walisafiri kwa teksi.
Walipofika mwisho wa safari yao, dereva aliwauliza walipe nauli zao. Ng'ombe akalipa.
Mbwa hakuwa na kiasi kamili cha pesa, akalipa zaidi kidogo.
Dereva alipokuwa akimrudhishia Mbwa baki ya pesa zake, Mbuzi alitoroka bila kulipa chochote.
Dereva alikasirika sana. Akaondosha gari bila kumrudishia Mbwa baki ya pesa zake.
Hiyo ndiyo sababu, siku zote, Mbwa hulikimbilia gari kwa nia ya kumpata dereva arudishiwe baki ya pesa zake.
Mbuzi, anapousikia mlio wa gari, hutoroka. Yeye huogopa kushikwa kwa kukosa kulipa nauli.
Ng'ombe huwa hashughuliki gari linapokuja. Yeye huchukuwa muda kuvuka barabara kwa sababu alilipa nauli yake kamili!
You are free to download, copy, translate or adapt this story and use the illustrations as long as you attribute in the following way:
Mbuzi, Mbwa na Ng'ombe
Author - Fabian Wakholi
Translation - Brigid Simiyu
Illustration - Marleen Visser
Language - Kiswahili
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
