Wambuzi, Wambwa Ne Wante
Martha Nansamba
Marleen Visser
Wambuzzi, Wambwa ne Wante baali ba mukwano nnyo. Olumu baagenda ku lugendo mu takisi.
Bwe baatuuka gye balaga, omugoba w'emmotoka na'basaba basasule ssente. Wante yasasula ezize.
Wambwa yasasula ezisinga ku ze yali alina okusasula, kubanga teyalina muwendo gwa ssente gwennyini.
Omugoba w'emmotoka yali anaatera okuddiza Wambwa ssente ze naye Wambuzi n'atandika okudduka ate nga tasasudde.
Omugoba yanyiiga nnyo era n'agenda nga taddizza Wambwa ssente ze.
Ky'ova olaba n'okutuusa leero, Wambwa adduka okulingiza mu mmotoka alabe omugoba omuvuzi w'emmotoka alina ssente ze.
Ate ye Wambuzi bw'awulira emmotoka ejja, adduka kubanga atya nti bayinza okumukwata olw'obutasasula.
Wante ye tafaayo oba emmotoka ne bw'eba ejja. Asala ekkubo nga yeetwala anti akimanyi nti yasasula n'amalayo.
You are free to download, copy, translate or adapt this story and use the illustrations as long as you attribute in the following way:
Wambuzi, Wambwa Ne Wante
Author - Fabian Wakholi
Translation - Martha Nansamba
Illustration - Marleen Visser
Language - Luganda
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
