Inyobo Eyinakit Imiriai Emameete Kede Ka Ajul?
John Emongot
Carol Liddiment and Reginaldo Vicente Manhice
Adope apaaran, alosit ipoo osiep loka ecilet.
Ajai emirya da ngipengina eilate, ido konyami inyaa lu alibilibete kosiep loka angolol.
Mam emirya lo awanyunit ebe ajai ipoo yen kawu ke, kosodi aicak ake akeju komam epeleikinit tii. Kocelaari Ipoo, "Emirya lo! Mam ijo iteyi ebe icakit ijo aka akeju?"
Obu emiria ilip aitimio kane ejai Opooi, "Okwe opapero, itimoi. Mam engo awanyunit ijo. Elipit aitimio!" Konye mam Opooi akoto aipup nen ido kobu koresiaar, "Ipeleikit ijo! Konye adope apaaran iwanyuni jo! Ebeit ijo aitac."
Owomi Opooi Okim kolimok ngesi, "Kolot, Icweik Amirya ngin elomuni akipi adak oonya. Icakitor eongo!" Kotemari Okim, "Emamei ationis, Opooi, opaperoka. Ebeit eongo aswam kwape ibalar ijo."
Ekaulo, ajai emirya adak konye kolwanikina kede ecilet. Otukwi! Onyalaaar Okim kosodi ageun aicwe ajul ka Amirya kere.
Ogewuni Amirya na aimony kokeri akipi. Konye ajulo kere abu akim icweya. Obu emirya lo osalak emonyi, "Ecwaaros aka ajulo kere ko akim! Icweya ijo aka ajulo! Adawunos aka ajulo kere! Aka ajulo nu alaete noi!"
Ngesi iteyo jo ebe mam emirya elosi adak ne elwanikina kede angolol kanu narai ekuriana ebe icweikino kede akim. Akawulo, abu Opooi kiyalamikin noi kanu ecweikina Okim Amirya kede akim, kobala ebe, "Atac eongo da ngesi."
You are free to download, copy, translate or adapt this story and use the illustrations as long as you attribute in the following way:
Inyobo Eyinakit Imiriai Emameete Kede Ka Ajul?
Author - Basilio Gimo and David Ker
Translation - John Emongot
Illustration - Carol Liddiment and Reginaldo Vicente Manhice
Language - Ateso
Level - First sentences
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com
