Nderhere Nsungunu
Amani Bisimwa
Maya Marshak
Omu cishagala ciguma c'omu lugo lw'omu Afrika y'ebushoshokero bw'izûba, omu Kenya mwali mwananyere muguma wakag'ikola omw'ishwa bona nnina. Izino lyage yewaderhagwa Wangari.
Wangari akag'isim'okubêr'embuga bwenêne. Omw'ishwa ly'omulala ly'enshogo, akagij'ahumba mw'emina n'omugushu gwage. Akagij'ashosha enderher'omw'idaho lidurhu.
Akasanzi'akag'isîma bwenêne galy'amango g'ebijingo ehizûba hyamazika. Amango bwamayîra arh'achibon'emburho, ago mango anamany'oku kakola kasangi k'okushubir'eka.
Okugaluka, by'akag'ihuna okushimba orhujirajira rhw'omumashwa n'orhw'oku nyishi.
Wangari alimwana mwenge, arhankachirindirize okuj'emasomo. Chi kwone nnina n'ishe b'akag'isîma oku agenderere abêre ahaka ly'akabarhabala oku mikolo.
Erhi ahisa myaka nda, mushinja wage mukulu ayumviis'ababusi babo oku bamuleke aj'emasomo.
Akagisîma okumany'ebihyahya!
Wangari ajamanya kandi na kandi kugerera ebitabu akag'isoma.
Akag'ikola bwinj'emasomo kuhika bamuhamagala e Amerika mpu aj'isomera yo.
Wangari ali wamurhima guyigusire!
Alonz'okumanya bwenêne enyanya ly'ebiyerekir'igulu.
Oku masomo makulu g'e Amerika Wangari amanya bintu binji bihyahya. Ayig'emburho n'okuzikâkula, lero akengera oku akulaga: amango akagishârha na benewabo omu chihoho ch'emirhi y'omu mizirhu y'e Kenya.
Oku agenderera asoma, agenderera okubona oku asîma abantu b'e Kenya. Oku anasîma bagwarhe obushagaluke n'echihûmula.
Oku agenderera asoma, agenderera akengera omulala munene gw'omu Afrika.
Erhi aba amomala amasomo agaluka e Kenya. Chi echihugo chabo chali chamohindamuka. Empango nnene z'ebishwekwa omu murhundu gwoshi.
Abakazi barhal'ichigwerhe nshali z'okudeka ebilyo. Abantu bali bakenyi n'abana baligwerhwe n'ishali ngasi mango.
Wangari alimanyire ebi byalimuhunyire okujira. Ayigiriza abakazi okurhwera emirhi kugerera enderhere. Abakazi baguz'emirhi na ntyo bakolesa enfaranga okulamya emilala yabo.
Abakazi bashagaluka bwenêne. Erhi Wangari aba amabarhabala okuchiyumvava n'emisi n'obuhashe.
Akasangi kagera, elya emirhi yahinduka muzirhu, enyishi zachirirhondera okuhulula. Emyanzi ya Wangari yalumîra omu Afrika yoshi. Kuhika buno emilioni y'emirhi yakuzire kugerera enderhe za Wangari.
Wangari akola bwenêne n'emisi. Abantu balinda bamuyêmera, bamuha akalembu kinja. Banakaderha ako kalembu mpu Kalembu ka Nobel enyanya ly'Omurhula, kandi erhi 'prix Nobel de la paix', na ntyo aba ye mukazi murhanzi w'omu Afrika w'akahâbwa.
Wangari chiru aha barhamubwini, ngasi murhi mwinja gunakarhuma rhwamukengera.
You are free to download, copy, translate or adapt this story and use the illustrations as long as you attribute in the following way:
Nderhere Nsungunu
Author - Nicola Rijsdijk
Translation - Amani Bisimwa, Contes Libres RDC, Tikva Chofi and Wivine Chofi
Illustration - Maya Marshak
Language - Mashi
Level - Read aloud
© Nicola Rijsdijk, Maya Marshak, Tarryn-Anne Anderson, Bookdash.org and African Storybook Initiative 2015
Creative Commons: Attribution 4.0
Source www.africanstorybook.org
Original source www.bookdash.org
