Anniya
Umaru Sannda
Vusi Malindi
Wuro amin e woodi fitinaaji ɗuɗɗi. E min ngaɗi corol juutungol ngam ƴoogugo ndiyam nder wawru go'o.
Min ndeeni himɓe caahoomin nyamndu, min keɓa ko min nyaamata.
Min kubli dammuɗe cuuɗi amin diga naange mutaayi ngam e min kula wuyɓe.
Ɓikkon ɗuɗkon alii yahugo janngirde.
Ɓiɓɓe rewɓe diga ɓe famarɓe ɓe kuwani himɓe kuuɗe feere-feere.
Derke'en famarɓe ngaɗi ka yiilaago, nden woɓɓe feere kuwani himɓe gese.
To henndu ummake ɗereeji kubinaaɗi tokkay nder kowaali e nder lice leɗɗe.
Koo moye hubinta ko pusi koo toye. To goɗɗo yaaɓiiɗum ɗum nawnaymo.
Sey nyalaande feere, wawru amin go'o yoori. Ƴoogille amin e njooɗi meere, ndiyam walaa.
Sey Baaba amin tokkiti wuro amin fuu. Mo humpiti himɓe ngara moftorde.
Himɓe kawti ley lekki mawki, ɓe keɗitii habaru maako.
Baaba amin ummii wi'i, "Ndikka kawten ko'e ngam wuro men yaha yeeso."
Ɓiɗɗo feere bi'eteeɗo Juuma ƴeeŋi dow lekki, mo wi'i mo wallay bee suɓtugo ɗereeji.
Debbo feere wi'i, "Rewɓe! Kawten ngam remugo gese meeɗen."
Gorko feere ummii wi'i, "Worɓe! Ngaree kawten ngasen wawru."
Min fuu min mbi'i bee hoore go'o, "En canjay joonde meeɗen, ngam njahen yeeso kisen fitinaaji."
You are free to download, copy, translate or adapt this story and use the illustrations as long as you attribute in the following way:
Anniya
Author - Ursula Nafula
Translation - Umaru Sannda
Illustration - Vusi Malindi
Language - Fulfulde Mbororoore
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
