Umjinko kaKeke
Sponono Mahlangu
Marion Drew
UKeke uhlezi emjinkweni wakhe.
Uyawuthanda umjinko wakhe. Bekumjinko omuhle esikolweni.
UKeke utjhida kabuthaka emjinkweni wakhe. Uya emuva naphambili, emuva naphambili.
UKeke nakasukako, umjinko wakhe ukhamba msinya khulu. Msinyazana nje besele aphezulu khulu.
UKeke uqala phasi ehlabathini. Bekaphezulu khulu. "Aeei!" uyabiza.
"Qala bona ngiphezulu kangangani!"
Bekathabele ukuba phezulu khulu. Bekakghona ukubona boke abantu ethresteni esihlala kilo.
Besele aphezulu afana neenyoni ezingaphezu kwamasimu wesiphila.
Ngemuva kwesikhatjhana uKeke besele afuna ukwehlela phasi. Umjinko bewungafuni ukujama.
"Bababe, bababe, bababe," utjho amemeza. "Angazi bona ngiwujamise njani umjinko lo!"
Umjinko waragela phambili nokujinka. Waya phasi naphezulu, phasi naphezulu. UKeke besele athukiwe.
"Wu! Umjinko lo uzongisa kuphi? Kungenzeka ngiyokufika enyangeni. Kufanele ngehle!" utjho uyalila.
Yeke, uKeke wehla emjinkweni. Wawa waphareka phasi.
"Wu, wu, wu! kulila abanye abentwana.
UKeke wawela phasi ehlabathini. Walimala ehloko. "Hiii, hiii, hiii," watjho alila.
Abanye abentwana bebadane khulu. UKeke bekangazi bona enzeni, "Hiii,hiii, hiii," watjho alila
Abentwana babiza utitjhere wabo. "Mma uMpho sibawa uze!" batjho bambiza.
"UKeke uwe emjinkweni. Ulimele ehloko."
UMma uMpho wagijimela emjinkweni. Wafika waguga uKeke wamcabuza ihloko. UKeke wamomotheka.
"Sekungcono. Angeze ngisaya godu kiloya mjinko ngingedwa, kwatjho uKeke. "Angifuni ukuya enyangeni.
"Esikhathini esilandelako ngizokuba nawe emjinkweni wakho Keke," kutjho uMma uMpho.
"Singaya enyangeni sobabili!"
You are free to download, copy, translate or adapt this story and use the illustrations as long as you attribute in the following way:
Umjinko kaKeke
Author - Marion Drew and Khothatso Ranoosi
Translation - Sponono Mahlangu
Illustration - Marion Drew
Language - isiNdebele
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source http://paleng.weebly.com/,
