Maguru wakupereka malundi
Cecilia Mwalwayo and Mervis Kamanga
Wiehan de Jager
Citumbuka
Kale nyama zikaŵavya malundi.

Zose zikakhwaŵanga.
Ŵanthu pera ndiwo ŵakaŵa na malundi, awo ŵakapasika na Maguru.
Zuŵa linyakhe, Maguru wakaghanaghana kuti wapeleke malundi ku nyama zose. Wakakhumbanga kuti nazo zendenge.

Wakaziphalira kuti wazipenge malundi.
Nyama zikati, "Ciŵenge ciwemi comene kuti tiŵe na malundi."

Zikayimba na kuvina.
Nyama zikati kukhwaŵa kukaŵa kunonono.

Zikapulikanga kuŵaŵa.
Dazi likati lafika, nyama zinandi zikaluta kunyumba ya Maguru.

Nyamalikiti, nkhalamu, zovu, ŵakalulu, ngwina, na tuyuni vikayima pa mzere.
Nyama yiliyose yikapasika malundi yanayi.

Tuyuni tukapasika malundi yaŵiri.
Cili cose cikasintha zikati zapokera malundi.

Zinyakhe zikavinanga na chimwemwe. Zinyakhe zikawanga.
Zikaluta kukaoneska ŵanthu malundi.

Zikati, "Tizamukhwaŵaso cala."
Wawumaliro pa mzere wakaŵa Bongololo. Maguru wakafumba, "Kasi waliposo munyakhe pamanyuma pako?"

Bongololo wakazgola wakati, "Yayi, ndine wawumaliro."
Maguru mumtima wakati, "Ngwawumaliro. Sono Nicitenge nawo vici malundi yose agha?"

Maguru wakampasa Bongololo malundi ghose awo ghakakhalako.
Bongololo wakakondwa comene. Wakati, "Nendenge mwaluwiro kujumpha ŵanyane ŵose."
Wakati waluta Bongololo, Njoka yikiza kunyumba ya Maguru. Yikati kwa Maguru, "Chonde nipeniko malundi."
Maguru wakati, "Napereka malundi yose. Wanguŵa nkhuni?"

Njoka yikazgora kuti, "Nangugonerezga."
Maguru wakayezga kulawiska kuti panyake malundi yangakhalako.

Wakasangapo na limoza yayi.
Maguru wakati kwa Njoka, "Phepha. Malundi yamala." Njoka yikakhwaŵira kunyumba kwambula malundi.

Kufuma penepapo, Njoka yikugona comene yayi. Yikulindizga kuti yizawe yakudankha pamzere pakukatola malundi.
You are free to download, copy, translate or adapt this story and use the illustrations as long as you attribute in the following way:
Maguru wakupereka malundi
Author - Mutugi Kamundi
Translation - Cecilia Mwalwayo and Mervis Kamanga
Illustration - Wiehan de Jager
Language - Citumbuka
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org