Zama ungumcemane!
Mduduzi Benjie Shongwe
Vusi Malindi
Umnaketfu lomncane uyephuta kulala.
Ngisheshe ngivuke, ngoba ngingumcemane!
Ngimi lovulela lilanga kutsi lingene.
Make utsi, "Wena uyintfombatane yami lengitigcabha ngayo."
Ngigeza onkhe malanga, angidzingi kutsi kube nalongisitako.
Anginendzaba nekutsi emanti ayacandza, noma lugongolo lwekuwasha timphahla.
Make uyangikhumbuta, "Ungawakhohlwa ematinyo akho."
Ngiyaphendvula, "Ngeke, ngiwakhohlwe!"
Ngemva kwekugeza, ngivusela mkhulu kanye na-anti.
Ngibafisele kutsi babe nelilanga lelihle.
Bese ngiyagcoka.
Ngitsi, "Sengimkhulu nyalo, make."
Ngiyakwati kufasa emakinobho kanye nekubopha ticatfulo tami.
Ngiyaciniseka kutsi umnaketfu wati tonkhe tindzaba tasesikoleni.
Eklasini ngetama kwenta kahle ngato tonkhe tindlela.
Ngenta tonkhe letintfo letinhle malanga onkhe.
Kepha lengikutsandza kakhulu, kudlala!
You are free to download, copy, translate or adapt this story and use the illustrations as long as you attribute in the following way:
Zama ungumcemane!
Author - Michael Oguttu
Translation - Mduduzi Benjie Shongwe
Illustration - Vusi Malindi
Language - Siswati
Level - First sentences
© Text: Uganda Community Libraries Association (Ugcla) Artwork: African Storybook Initiative 2014
Creative Commons: Attribution 4.0
Source www.africanstorybook.org
