Awdi Cewndi: Geccawol Wanderimam Danasabe
Abubakar Mohammed
Maya Marshak
E nder kabbare wannde dow diirtorawo caɓɓal Mambilla nder waylaa - walandu Fuma Najeriya, ɗon binngel gonngel huwaynoo nder njaayri gongel howlaade e Inna muum. Innde maagel woni Wanderimam.
Wanderimam yiɗi wonuki yaasi koondeye. E nder ciraka baawo saare iyaaluuji maɓɓe ɗon o seeki seekini leddi e addahi maako o waɗi ka aawuki ngabbon (iriir leɗɗe) maako nder leeddi poowndi.
Wakkati ki o ɓuri yiɗuki koondeye nder nyalawmaare woni wakkati naange mutata bako ɗum fuɗɗa nyiɓɓuki o don ndaara aawurtaaji mako tan. Wanderimam andi kadi nden woni wakkati holuku saare. O tokkiiray nder laawel burtel biilingel bakkunde baabe don yabbito maaje to o don dilla (saare).
Wanderimam ɗum ɓinngel yoyngel ngel reenata sam haro yahuki jaangirde sam. Ammaa inna maagel e baaba maagel boo ngaanyi ngel wona saare wallita be. Wakkati o hewti duuɓi jeeɗiɗi sey mmawniiko billani baabiraabe maako dow ɓe ɗala mo o yaha janngirde.
O yiɗi ekkitaaki. Wanderimam ɗon ɓeddita faamuki e nder kala deftere ojanngi fuh. O waɗi non hakkee o taamii sanne sey Jaamiaare Ahmadu Bello Zariya ɗaɓɓiti mo. Wanderimam seyake welweltiii. O yiɗi o ɓeɗɗa annduki duuniya.
Haro Jaamiaare Ahmadu Bello Zariya Wanderimam ekkitii fiijiiji kesi duuɗɗi. O janngii haala fuɗugooji e no di mawnirta. Sey o don numta hanko maa no o mawnirnoo o don fijida e dewerɗiraaɓe maako les ɗowdi leɗɗe nder layɗe Kurmi booɗɗe.
Bano no o ɓeddirta jannguki no boo o ɓeddirta hirtaaki no o yidiri Ummaatore yimbe Taraaba. O wanyaaki koondeye o yi'a be ɗon ceyii ndimdi. No o beddirta jannguki non boo o ɓeddirta numtuki wuro maako ngo Mambilla.
Wakkati o timmini janngirde maako, sey o lortii Taraba Jiha maako. Ammaa sey ni leddi maako kam fuh haande sanjake. Ndaa gese mawɗe kuubtidinii nder leddi ndin fuh. Rewɓe maa hannde ngalaa leɗɗe ko kincoroo. Yimbe fuh cooyi bacci fuh beelaadi.
Wanderimam anndi ko huwata. O janngini rewɓe no aawirta leɗɗe daga iriiri. Rewɓe ben sey coora leɗɗe ɗen naftoroo cede maaje haro nyaamunki iyaaluuji maɓɓe. Ngam non rewɓe ɓen ɗon ceyii. Wanderimam wallitiiɓe be keɓii semmbe be njaabdii.
No wakkati yaɓɓortoo sey leɗɗe ɗen mawni ngaartii laynde, sey maaje maa fuh puɗɗiti iluki. Nufayeeji Wanderimam cankitalle kuubtidinii Najeriya fuh. Hannde kam leɗɗe ɓurii miliyon ko mawni wirfinii daga iriiri leɗɗe Wanderimam.
Wanderimam gollii no tiidi sanne. Yimbe nder leddi Najeriya fuh hannde paami ɗon teddini mo ndokka manoore mawnde. Nguɗon wi'ee ca'ahu leddi Najeriya ngu kuriniiɓe (leɗeɗe). Hanko woni Debbo Kutebjo arano keɓdo ngu.
Wanderimam bangaama nder hitaande ujune didi e sappo e jeetati 2018. Doole numten mo koondoye ngiiden laynde (leɗɗe) woodnde fuh.
You are free to download, copy, translate or adapt this story and use the illustrations as long as you attribute in the following way:
Awdi Cewndi: Geccawol Wanderimam Danasabe
Author - Nicola Rijsdijk
Translation - Abubakar Mohammed
Illustration - Maya Marshak
Language - Fulfulde
Level - Longer paragraphs
© Nicola Rijsdijk, Maya Marshak, Tarryn-Anne Anderson, Bookdash.org and African Storybook Initiative 2015
Creative Commons: Attribution 4.0
Source www.africanstorybook.org
Original source www.bookdash.org
