Nthowa Taani Achomoco Ahiraayano Mapururu?
Little Zebra Books
Carol Liddiment
Nihiku nimoha, Namarokolo aamweeca musheresherye wa muhice.
Chomoco tho aari weiwo eeceecaka alyaaka munyepu mukithi.
Chomoco haamonne Namarokolo wi aari vaavaa, vanthowa nenla aamunyikala mweco ahisuwelaka.
Namarokolo aahinla apacerya oruwana ariki: "We, Chomoco, honoona wi wookinyikala mweco?"
Chomoco aamveka namarokolo wi amulevelele, ariki: "Ikharari sinnakimora, nthamwene aka, miyo nkaawoona, okilivelele!"
Nari hiihaa Namarokolo hiiwale, aahi: "Ela weenreno mwaayiini! Nihiku nimoha onamoona! Onahaawela oliva!"
Hiihaa Namarokolo aaya oloca ni Mooro ii: "Ovinye wamweeyele Chomoco ntakhara aakinyikala akhumaka mmaahini ayaaka olya munyepu!"
Mooro waahaakhula, oriki: "Yeeyo tahi echu, nthamwene. Kinamweerano yeeyo okivenkaawe."
Elukuluku ekina, Chomoco aanalya munyepu ociiwene wa muhice. Mooro wamphwanya wi: "Mwaahirweeliwa." Mooro opacerya weeyela mapururu oothene a Chomoco.
Chomoco aapacerya wunla achimakela mmaahini. Mapururu awe oothene yaavya.
Chomoco haamaala wunla, ariki: "Mapururu aka oothene Mooro oheeyela! Mooro, oheeyela mapururu aka oothene. Mapururu aka aacakanela! Mapururu aka ooreerasha!"
Vanthowa nenla, Chomoco hanakhala ociiwene wa maahi, oovaka weeyeliwa ti Mooro.
Namarokolo aatepa ohakalala aamoonneiye Chomoco eeyeliwe ni Mooro, aahi: "Eyaa koocikiha mukokoko."
You are free to download, copy, translate or adapt this story and use the illustrations as long as you attribute in the following way:
Nthowa Taani Achomoco Ahiraayano Mapururu?
Author - Basilio Gimo and David Ker
Translation - Little Zebra Books
Illustration - Carol Liddiment
Language - Elomwe
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com/.
