Shimbilinga ta havaleke omaulu
Nelly Ndafyaalako
Wiehan de Jager
Nale nale oinamwenyo aishe ka kwa li i na omaulu.
Aishe okwa li ashike hai li pweda.
Ovanhu ovo ashike kwa li ve na omaulu, ve a pewa kuShimbilinga.
Efiku limwe Shimbilinga okwa tokola oku pa oinamwenyo omaulu. Okwa li a hala i kale tai ende ngaashi ovanhu.
Okwe i ifana keumbo laye opo e i lombwele.
"Otashi kala shiwa unene nge twa pewa omaulu," oinamwenyo osho ya ti.
Ta i imbi nokuhela kehafo.
Oinamwenyo oya ti oku lipweda okudjuu, ko ohaku ehama.
Eshi efiku lokutambula omaulu la fika, oinamwenyo ihapu oya ya keumbo laShimbilinga.
Eenduli, eenghoshi, eendjaba, oundiba, eengadu noudila ova twa omukweyo.
Oshinamwenyo keshe osha pewa omaulu ane.
Oudila ova pewa avali.
Opa li ehafo linene eshi oinamwenyo ya mona omaulu.
Imwe oya li tai dana kehafo. Imwe okwali ta i pundauka shaashi ina i ika okweenda.
Oku dja opo oinamwenyo oya ka ulikila ovanhu omaulu ayo. "Ita tu lipweda vali!"
Mbalangadja oye a li waxuuninwa. Shimbilinga okwe mu pula ta ti, "Konima yoye oku na vali umwe?"
"Aaye, aame nda xuuninwa Tatekulu." Mbalangadja ta nyamukula.
"Nge oye wa xuuninwa, omaulu aeshe aa ohandi a ningi ngahelipi?" Shimbilinga osho e li popila.
Okwa tokola a yandje omaulu aeshe aa a xupa po kuMbalangadja.
Mbalangadja okwa li a hafa unene. "Paife ohandi endelele ndi dule vakwetu shaashi ondi na omaulu mahapu." Osho a enda te li popile.
Eshi Mbalangadja a ya, eyoka ola ya keumbo laShimbilinga. "Naame kwafelenge omaulu Tatekulu," osho la indila Shimbilinga.
"Ame nghi na po nee vali omaulu apa. Owali peni?" Madume ta pula.
"Onda kofelela Tatekulu," eyoka ta li nyamukula.
Shimbilinga ta i momalimba aye a ka tale nge ta mono mo sha.
I na hanga mo sha.
"Ka mu na vali omaulu omu," Shimbilinga ta lombwele eyoka. Eyoka ta li li pweda nenyeme lauka keumbo.
Oku dja opo, eyoka iha li kofa vali tali pwile po. Ola hala olo lininge lotete momukweyo woku ka tambula omaulu.
You are free to download, copy, translate or adapt this story and use the illustrations as long as you attribute in the following way:
Shimbilinga ta havaleke omaulu
Author - Mutugi Kamundi
Translation - Nelly Ndafyaalako
Illustration - Wiehan de Jager
Language - Oshikwanyama
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
