African Storybook - Maguru ta gandja omagulu

Maguru ta gandja omagulu

Hamukoto Efraim

Wiehan de Jager

Nalenale iinamwenyo ka ya li yi na omagulu.

Oyali hayi Kookaya.

Aantu oyo ayeke ya li yena omagulu, ngoka yali yega pewa kuMaguru.

Esiku limwe, Maguru okwa tokola opo a gandje omagulu kiinamwenyo ayihe. Okwa li a hala yi kale hai ende. No kwe yi lombwele nkene te keshi ninga.

Iinamwenyo oya yamukula, "Otashi ka kala oshiwanawa ngele twa mono omagulu."

Oya tameke oku imba no ku tanta.

Iinamwenyo oya tsikile, "Osha li oshidhigu oku kookaya," notwali hatu ehama nge ta tu ende.

Esiku sho lya thiki, iinamwenyo oyindji oya yi keembo lya Maguru.

Oonduli, oonkoshi, oondjamba, uulimba, oongandu, osho wo uudhila woo owayi mo mukweyo gwiinamwenyo iikwawo.

Oshinamwenyo kehe oshali shapewa omagulu gane.

Uudhila woowa wapewa omagulu gaali.

Opwa holoka eyooloko enene iinamwenyo sho yamono omagulu.

Iinamwenyo yimwe oya li tayi ndaanisa kenyanyu, ihe yimwe oya li yu uvu nayi.

Oya yi ihe yi ki i ulike kaantu, iinamwenyo oya ti, "Itatu kookaya we."

Ngoongololo oye a li gwahugunina momukweyo. Maguru ta pula, "Oku natango we gumwe konima yoye?"

Ngoongololo tayamukula. "Aawe, ongame gwahugunina tatekulu."

Maguru ta tameke okwiipula, "Ondi na oku ninga ngiini nomagulu ngaka ga hupupo?"

Opo ihe okwa gandja omagulu agehe ngoka gahupapo kuNgoongololo.

Ngongololo okwa li a nyanyukwa nookondo, e tati, "Ngayi ngeyi otandi ka endelela nookondo ndi vule yakwetu."

Konima sho ongongololo ayi, eyoka nalyo olye ya kegumbo lya Maguru. lya pula Maguru tali tii, "Nangame onda hala omagulu."

Maguru ta yamukula, "Omagulu agehe onde ga gandjapo nale, owa li peni?"

Eyoka olya yamukula, "Ah! nani onda kothelele."

Maguru okwa talaatala ngele opena omagulu ga thigalapo.

Ihe ina monapo nando osha.

"Ombili, ina pu hupa nando omagulu," Maguru ta lombwele eyoka. Eyoka no lya yi kegumbo ta li ipwedha li uvute nayi. Oku za kesiku ndyoka, eyoka i hali kothelele we unene. Olya hala li ninge lyininge lyotango momukweyo opo lipewe omagulu.

You are free to download, copy, translate or adapt this story and use the illustrations as long as you attribute in the following way:

Maguru ta gandja omagulu

Author - Mutugi Kamundi
Translation - Hamukoto Efraim
Illustration - Wiehan de Jager
Language - Oshindonga
Level - First paragraphs