Ihene, Imbwa n' Inka
Jean Paul Harelimana
Marleen Visser
Ihene, Imbwa n'Inka bari inshuti zikomeye. Umunsi umwe, bafashe urugendo muri tagisi.
Bageze ku iherezo ry'urugendo rwabo, umushoferi yabasabye kwishyura amafaranga y'urugendo. Inka yishyuye ayayo.
Imbwa yishyuye amafaranga menshi kuko itarifite amafaranga avunje.
Umushoferi yari yiteguye kugarurira Imbwa ayasigaye. Mukanya gato, Ihene yahise yirukanka itishyuye.
Umushoferi yararakaye cyane, ahita atwara imodoka atagaruriye Imbwa amafaranga yayo.
Na bugingo nubu, Imbwa ihora yirukanka inyuma y'imodoka igirango yinjiremo. Iba irimo gushaka umushoferi wayitwariye amafanga yasigaye.
Ihene nayo ihora yirukanka iyo yumvise urusaku rw'imodoka. Iba ifite ubwoba ko barayishyuza amafaranga y'urugendo itishyuye.
Inka ntikangwa n'imodoka. Inka ifata umwanya uhagije yambukiranya umuhanda nta gihunga. Izi neza ko yishyuye amafaranga y'urugendo yose.
You are free to download, copy, translate or adapt this story and use the illustrations as long as you attribute in the following way:
Ihene, Imbwa n' Inka
Author - Fabian Wakholi
Translation - Jean Paul Harelimana
Illustration - Marleen Visser
Language - Kinyarwanda
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
