UDyakalashe neediliya ezimuncu
Kholeka Mabeta
Benjamin Mitchley
Kudala-dala, uDyakalashe wavuka elambe kakhulu.
Waphakama wangena ehlathini ekhangela indawo enokutya.
Wadibana nesitiya seediliya. Ezi diliya zazintle zijinga zibonakala ukuba zivuthiwe kwaye zivuzisa izinkcwe.
Ingxaki yayikukuba zazijinga phezulu kakhulu emthini.
"Kwowu, zikhangeleka zimnandi kanobom ke ezi diliya," wacinga watsho umfo wakwaDyaki.
Wahlehla umva elungiselela ukuthatha owona mtsi uphezulu ukuze afikelele kwezo diliya.
Nka phantsi! Kwavakala isithonga sokubhuleka kukaDyakalashe esiwa ngomqolo phantsi.
Ezi diliya zaziphezulu kakhulu kunokuba ebecinga.
Waphakama umfo omkhulu ezixelele ukuba akasoze atyhafe.
Wahlehla umva ngakumbi elungiselela ukuthatha isantya ukuze atsibele phezulu kakhulu.
Nka kwakhona! Wabetheka ngamandla kwesi sihlandlo.
Wazama wazama uDyakalashe eqhutywa liphango kodwa nkqi, wancama.
Wayetsiba abetheke phantsi wade wabuhlungu umqolo wakhe.
Ekugqibeleni wancama wanikezela.
Warhotyoza egoduka eqaqanjelwa esabanjwe linxele likakhetsekile.
Wayekhathazeke kakhulu uDyakalashe. Wema wajonga ngemva kwezi diliya azincamayo.
"Bezimuncu kakade nezi diliya," watsho uDyaki.
Wangena endleleni encamile elambe elufele.
You are free to download, copy, translate or adapt this story and use the illustrations as long as you attribute in the following way:
UDyakalashe neediliya ezimuncu
Author - Kholeka Mabeta
Translation - Kholeka Mabeta
Illustration - Benjamin Mitchley
Language - isiXhosa
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
