Zincinci
Veronica Ntombentsha Magalela and Nolitha Bikitsha
Sandy Lightly
"Mama, jonga zonke ezi mpahla zincinci. Ndiza kunxiba ntoni?" watsho uThandi. "Linganisa ndibone, Thandi," watsho umama.
"Jonga lo mbhinqo, uyandiqinisa," atsho uThandi elinganisa. "Unyanisile mncinci. Wunike uVuyiswa," atsho umama.
"Jonga nje le bhulukhwe, ayingeni," atsho uThandi elinganisa. "Unyanisile incinci. Yinike uVuyiswa," atsho umama.
"Jonga mama le hempe, nayo incinci," atsho uThandi elinganisa. "Unyanisile nayo incinci. Yinike uVuyiswa," atsho umama.
"Jonga le jezi, mama, nayo incinci," atsho uThandi elinganisa. "Unyanisile incinci. Yinike uVuyiswa nayo," atsho umama.
"Jonga idyasi yam yemvula incinci," atsho uThandi elinganisa. "Unyanisile nayo incinci. Yinike uVuyiswa," atsho umama.
"Jonga ezi kawusi zincinci," atsho uThandi ekhalaza. "Unyanisile zincinci. Zinike uVuyiswa nazo," atsho umama emthuthuzela.
"Jonga ezi zihlangu. Shu, ziyanditya!" atsho uThandi. "Unyanisile nazo zincinci. Zinike uVuyiswa," atsho umama.
"Unempahla ezininzi ngoku, Vuyiswa! Thatha zonke," watsho uThandi. "Kodwa zinkulu zonke nje ezi mpahla!" watsho uVuyiswa.
You are free to download, copy, translate or adapt this story and use the illustrations as long as you attribute in the following way:
Zincinci
Author - Media Matters
Translation - Veronica Ntombentsha Magalela and Nolitha Bikitsha
Illustration - Sandy Lightly
Language - isiXhosa
Level - First sentences
© Text and Illustrations © African Reading Matters 2003
Creative Commons: Attribution-Non Commercial 3.0
Source www.africanstorybook.org
Original source www.read.org.za
