A’U Pi Yuku Be
Alice Ojobiru
Wiehan de Jager
Ndra drio a'u pi yuku be ndra aa aria azi 'di pie asi anzu si. Yi ndra afu dria 'ye tualu.
O'du alu liki 'de yi vile angua. Yuku mu re nyaku nda. Emvi andezeza ru. Yuku nga ota, ''Geri acizu nyaka ndazu ri ma ewa 'doni!''.
A'u kama o'duko onyiru 'bo, egata azi onyiru ni emu eri ma omia. E'do eyi ma agi aria ru odra'ba 'bo 'di ma 'biko o'du. ''Le ama ma so 'biko 'di ri ama dri ri ma dria. ' Di nga azzini si ama fe aci ani ewakoko.''.
Aria ma eselea dria yuku ndra lu sindani pie andu yi vileria ni, e'yo ni si e'do 'biko so oko. Indikindi ayu ima 'biko 'di yi yi ngazu re de ku a'u ni ele dole. A; 'u andri ande mbeleru 'biko soza si. Ku sindani 'diiri kabadi ma dria ra, mu di nyaka a'di 'ima anzi ni kukua.
Esu de aria azi 'di ndre yuku ni ngaria 'dale. Aria azia 'di ziki a'u andri ni eyini sindani fezu yi ma opilebi sozu be ni. Sawa were vutia, aria karakarau ri onga 'bua.
Aria asizu 'di ni sindani omviria, esuni a'u andri ni ku. E'yo 'di avi ani. Kamu ande avita si 'bo, ku ki sindani cinya alea.
Estusi, yuku nga dri atri. A'I 'ima sindani ima 'biko azi alopi 'di yi sozu vile. A'u nga kabadi ma si ne. Ne kuku ale. Ne angu aku dria. Te esuni sindani ku ye.
A'u nga 'I ma yuku, ''ife lu mani o'du alu.'' ''Mi di nga mi opile su ngazu 'dule nyaka ndazu dika.'' Yuku nga 'yo, afe lu mini o'du alu dika.'' 'ika sindani di esuku, mi nga parinia mi mva aluni fe 'i.
Drusin'dini yuku ka mu emu 'bo, esu a'u andri ni angu oviria cinya ma alea te esuni sindani ku ye. E'yo nisi yuku nga mbele 'I eri va, 'du a'u ma mva ra.
E'dozu o'du 'dasi, yuku ka onga oli alea, eri a'u andri esu cinya ma ale ereria sindani ndazu. Yuku ma opile ma endrilendri ka 'I 'ba nyakua, a'u andri ni 'ima anzi ma bile eti li. ''Mi da mi angu ole azini 'wiza 'di alea yi omvi. ''Ama adrini azaza ru ku. Ama nga apa te. Kere, kere, kere kere, kere Kere, kere Kere, kerer, kerer, kerer, kerer Kerer, kere, Kere, kere, mi ri di Kere, kere.
You are free to download, copy, translate or adapt this story and use the illustrations as long as you attribute in the following way:
A’U Pi Yuku Be
Author - Ann Nduku
Translation - Alice Ojobiru
Illustration - Wiehan de Jager
Language - Lugbarati
Level - First paragraphs
© African Storybook Initiative 2014
Creative Commons: Attribution 4.0
Source www.africanstorybook.org
