Engoho Ni Haŋungu
Ivan Kaibo
Wiehan de Jager
Hale hale, Engoho ni Haŋungu byamenyanga ŋalala n'enyuni ejindi mu dembe. Jaholeranga ŋalala hiisi hiitu.
Ehiseera hyola ng'enjala egwa hu hyalo. Haŋungu yaali n'ohugenderanga ŋale nyo ohwendula emere. Era yagaluhanga edembire. Nga Haŋungu yiroma Engoho yiiti, huli n'ohwendula engeri enyangu ey'ohugenda.
Olufanyuma lw'ohuŋenyuha, Engoho yasuna ehiŋeego ehyene ehiraŋi. Ng'aŋo yitagiiha ohusoloonga amooya g'enyuni jahye ejafa. Ni yahena ng'eroma Haŋungu yiiti, "Hahutungire amooya gano hu mabaŋa geefe hamunga hinatuŋe egenda enyangu."
Hu hyalo ohwo, Haŋungu yoŋene nj'eyaali n'episyo. Kale nj'eyeherera ohutunga. Era ŋaweene aŋo ni yahena yaguluha n'amabaŋa gaayo amaŋoono ng'ereha Engoho ŋaasi n'ehituunga agaayo. Ŋabitaŋo ehiseera hitotono ng'engoho yidemba ohutunga. Ng'aŋo yireha episyo hu kabada yitiina mu fumbiro ohutegehera abaana baayo emere.
Naye enyuni ejindi jaali jiweene Haŋungu ni yiguluha. Olw'ehyo jasunga engoho ejasiheho episyo joosi jetungireho amabaŋa. Engoho nga yiganya. Siŋabita hiseera hireeŋi ng'enyuni joosi jetungira amabaŋa jitagiha ohuguluha mu bbanga.
Era enyuni esembayo ni yagobosa episyo, Engoho siyaliŋo. Abaana bengoho baŋamba episyo nga batagiiha hweguduhisa. Ni bademba omugudulo, baleha episyo jana mu mujehe.
Era enyuni esembayo ni yagobosa episyo, Engoho siyaliŋo. Abaana bengoho baŋamba episyo nga batagiiha hweguduhisa. Ni bademba omugudulo, baleha episyo jana mu mujehe.
"Peemo olunaku lulala," Engoho yegayirira Haŋungu. "Olufanyuma k'otunge olubaŋa lulwo nolunaku lulala," Haŋungu poyagoboyemo. Aye singa sofuna pisyo yange, oja hundiŋamo omwana wuwo mulala, "Kotiine ofune ebiryo."
Haŋungu ni yaaja ni buhyeye, yagaana Engoho nehisagula hu sagula mu mujehe, episyo netaboneha. Haŋungu yehire ŋaasi nga enyangula ahagoho halala.
Era ohuŋwa olwo, hiisi olu Haŋungu eboneha, yagana Engoho n'esagula mu mujehe ni yendula episyo. Hiisi olu Haŋungu eboneha, Engoho erabula obwaana bwayo, "Muŋwe mu hirafu." Era bugobolamo, "Sihuli basiru, hunadulume."
You are free to download, copy, translate or adapt this story and use the illustrations as long as you attribute in the following way:
Engoho Ni Haŋungu
Author - Ann Nduku
Translation - Ivan Kaibo
Illustration - Wiehan de Jager
Language - Lunyole
Level - Longer paragraphs
© Africa Storybook Initiative 2014
Creative Commons: Attribution 4.0
Source www.africanstorybook.org
