African Storybook - Kalay súŋnen e viŋgà ví

Kalay súŋnen e viŋgà ví

Beatrice Tafon Takeh and Mbinkar Emmanuel Keelen

Jesse Pietersen

Və̀n dzə̀ Kalay. Wù dzə̀ viyá saàmbà. Nsàv yìr rə́ dzə̀ jii, 'wán wo juŋ.'

Kalay yìmèn, e nèn a suŋnén e kicí ke órèn ki. "Kicí ké órèn, kii wò, á kuy cércér, a fo ver órèn wo baŋèn e nín."

Kalay du fo shikur. Wù lóo dù e dzəə, wù wàa suŋnén e viŋgà ví. "Viŋgà, kii vèn, vèn kú a tèʼ a səəné səənén, lá vèn yùm."

Kalay yèn ne flǎwà. "Flǎwà, kii vèn, vèn kú a tèʼ, a fo vibuushì ve m wáa sòvtì e mǒ kitu."

Kalay súŋnen e kicí kí aáwune shikur. "Kicí, kii wò, ku fə̀ə́r tám se faŋkìn sí, é sí wáa fo kindzəə̀ndzəm ke vèr wáa yò̀ŋ ŋwaʼ e sar wo."

Kalay súŋnen e kay ye á bìyìn e kaàrí shikur sho. "Kay, kii wò, kúy e tàv, e nèn a kìŋsìn ver fo wír ve bií."

Kalay kfə́n fo laʼ, wù dù e ghàn kicí ké órèn. Wù dù wù dzə̀r jii, "Órèn à tàvkír ne à?"

Wù shwém e sùúy jii, "Órèn woo shó dzə̀ə́ e bór." Wù sháʼtí kicí ké órèn jii, "Wòsò bèr kibvəə́shí. A tàm m bvəə̀shí a wìy aà sí kér órèn wo tavkín wo dzə̀ m nyòŋ."

You are free to download, copy, translate or adapt this story and use the illustrations as long as you attribute in the following way:

Kalay súŋnen e viŋgà ví

Author - Ursula Nafula
Translation - Beatrice Tafon Takeh and Mbinkar Emmanuel Keelen
Illustration - Jesse Pietersen
Language - Lámnsoʼ
Level - First paragraphs