Sikhukhukati ukhohlisa Lukhoti
Fakazile Armooh
Rob Owen
Lokwa emandvulo, boSikhukhukati naLukhoti bebangebangani.
Ngalelinye lilanga Lukhoti watfola Sikhukhukati atiphumulele ngaphasi kwesihlahla netikhwama takhe. Sikhukhukati abeme ngelunyawo lunye.
Lukhoti wabuta Sikhukhukati, "Ukuphi lomunye umlente wakho?"
Sikhukhukati waphendvula watsi, "Umphatsisitolo uwuncamulile umlente wami wase unginika imphahla esikhundleni sawo."
Lukhoti wabuta Sikhukhukati, "Ngingakwenta nami yini loko?"
Ingani mankunzi naye bekafuna timphahla. Sikhukhukati wavuma.
Angakacabangi lutfo umphatsisitolo, kwafika Lukhoti. "Ngicela ungincamule umlente nami ngifuna timphahla." Wavuma umphatsisitolo.
Lukhoti wazuba ngelunyawo lunye sekacondze ekhaya.
Kodvwa bekajabulile ngetimphahla latinikwe ngumphatsisitolo.
Watsi nakefika ekhaya Lukhoti, watfola Sikhukhukati ahamba ngayo yomibili imilente yakhe.
"Hawu! Kantsi kwentekani?"
Watfukutsela Lukhoti wagcumela Sikhukhukati, wamluma.
Kungako Lukhoti ahlala acoshisana nemantjwele aSikhukhukati. Natfuke wawabamba, uyawadla.
You are free to download, copy, translate or adapt this story and use the illustrations as long as you attribute in the following way:
Sikhukhukati ukhohlisa Lukhoti
Author - Nathan Higenyi
Translation - Fakazile Armooh
Illustration - Rob Owen
Language - Siswati
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
