Istayile sika Rafiki
Zolile Kalashe
Audrey Anderson
Nge Cawa, u-Jimmy Zogba wafaka inqaku lempumelelo.
Ngomvulo, Iqela labasebenzi be Cool Cat liye landolosa.
"Hey, Rafiki, ziphi iinwele zakho zeqwarha?
Iinwele zakho ziqhelekile, ngokungathi awukhathali."
"Hey, Rafiki, iphi itattoo yakho yenkohliso?
Ulusu lwakho luyadinisa. Nawe ngokunjalo."
"Hey, Rafiki, maphi amazinyo egolide akho?
Amazinyo akho ayaxengaxenga, yiyo lonto."
Ngalo olosuku, u-Rafiki wahamba ngokucothayo ukuya ekhaya.
"Makazi, ungandicheba iinwele zeqwarha?"
"Andinako ukukucheba iinwele zeqwarha. Ngokwenene, andisoze ndibenaso isibindi."
"Ulusu lwam luyadinisa kakhulu, Sisi. Ungayenza itattoo yenkohliso?"
"Awuyifuni enye ekhangeleka njengawe."
"Tat'omkhulu, ndiyanqwenela ukubanamazinyo egolide athile."
"Amazinyo egolide, mntwana wam, awathethi nto."
Kwimpela veki elandelayo, u-Santi Ramires wafaka inqaku lempumelelo.
Ngo Mvulo, Iqela labasebenzi be Cool Cat liye landolosa.
"Hey, Rafiki! Ukhangeleka kakuhle!"
U-Rafiki unyikinya amagxa.
"Ndikhangeleka njengam, esi stayile sesam."
You are free to download, copy, translate or adapt this story and use the illustrations as long as you attribute in the following way:
Istayile sika Rafiki
Author - Louis Greenberg
Translation - Zolile Kalashe
Illustration - Audrey Anderson
Language - isiXhosa
Level - First paragraphs
© Louis Greenberg, Audrey Anderson, Wesley Thompson, Book Dash 2015
Creative Commons: Attribution 4.0
Source www.africanstorybook.org
Original source www.bookdash.org
