Huku yi xenga Koti
Mkomati John Mongwe
Rob Owen
Khale ka khaleni, Huku na Koti a va ri vanghana. Siku rin'wana Koti ri kumile Huku ehansi ka murhi yi wisile na tibege ta yona ta le vhengeleni. Huku a yi yimile hi nenge wun'we.
Koti ri vutisa Huku ri ku, "Xana wu kwihi nenge wa wena wun'wana?"
Huku yi byela Koti yi ku, "Muxavisi u tsemile nenge wa mina kutani a ndzi nyika girosa tanihi bazela."
Koti ri vutisa Huku loko na le ka yena a nga endla swo fana. Na rona a ri lava bege ya girosa. Huku yi pfumela.
Koti ri yile eka muxavisi kutani ri n'wi kombela leswaku ri tsemiwa nenge wun'we wa rona ku ta nyikiwa girosa. N'wamavhengele u pfumerile.
Koti ri thamukile hi nenge wun'we ndlela hinkwayo ri ya ekaya. Kambe a ri tsakile hi swilo leswi n'wamavhengele a nga n'wi nyika.
Loko Koti ri fika ekaya, ri kumile huku yi ri na milenge ha yimbirhi.
Koti ri hlundzukile kutani ri hlongorisa huku. Kambe a ri kotangi ku yi khoma. Endzhaku ka sweswo, koti mikarhi hinkwayo ri lava swikukwana. Loko ri swi kuma ra swi khoma, ri swi dya.
You are free to download, copy, translate or adapt this story and use the illustrations as long as you attribute in the following way:
Huku yi xenga Koti
Author - Nathan Higenyi
Translation - Mkomati John Mongwe
Illustration - Rob Owen
Language - Xitsonga
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
