Inkoko Yacenjesha Kapumpe
Eunice Mukonde-Mulenga
Rob Owen
Kale saana, Inkoko na Kapumpe baali fibusa. Bushiku bumo, Kapumpe asangile Inkonko naiminina kukuulu kumo mwisamba lya cimuti yafumine mukushita ifintu fyapusanapusana.
"Ngaiwe utwele kwisa ukuulu kumbi?" efyaipwishe Kapumpe.
Inkoko yaaswike aiti, "Nincinja ukuulu kwandi neefintu ifi. Abaacilaashitisha baaciputula ukuulu kwandi pakuti bampeele ifi fintu ndi nafyo."
Kapumpe alikumbilwe nao aipwishe Inkoko ngakuti acita cimocine. Kapumpe alitemenwe ifintu fyamumashitolo. Inkoko yaatile caalifye bwino.
Kapumpe yaile kubaleeshitisha mu shitoolo nookulomba kuti bamuputule ukuulu nabo baalisumine.
Panuma akaabwishe ukuulu neefintu fya mwishitolo. Kapumpe pakuya kuya kung'anda aleesunta. Leelo mumutima alitemenwe pantu baalimupeele ifyo aleefwaya.
Kucabulanda, ilyo Kapumpe afikile kunga'nda, asangile ukuti Inkoko yalikwete amoolu yabili ayakumanina.
Kapumpe alifulilwe saana. Aimine ukuti ekate nookuumeenkoko leelo alifililwe pantu yaalibutwike. Kapumpe nomba aambile ukufwaya ukwikata utwana twankoko ukufika naleelo. Nga aikata kuulya.
You are free to download, copy, translate or adapt this story and use the illustrations as long as you attribute in the following way:
Inkoko Yacenjesha Kapumpe
Author - Nathan Higenyi
Translation - Eunice Mukonde-Mulenga
Illustration - Rob Owen
Language - IciBemba
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
