Embuzi, Embwa, N’Ente
Kajumba Kate
Marleen Visser
Embuzi, embwa n'ente byali binywani byamani. Kiro kimu bikakwata orungendo mu motoka.
Obubyahikire hakumalira kworungendo rwabyo, omuvugi yabisaba kusasura ebisale byorugendo. Ente ekasasura ebyayo.
Embwa ekasasura nyingiho, habwokuba ekaba etaine sente zonyini ezihingire.
Omuvugi akaba alihaihi kugarurra embwa sente zayo ezisigaireyo nubwo embuzi yairukire etasaswire kantu kona.
Omuvungi akabihirwa muno yavuga yagenda atagaruliire embwa sente zayo ezisigaireyo.
Nikyo, kuhika nakiro kinu embwa irukirra motoka kulinguza munda nukwo erole omuvugi owerukutonga sente zayo ezasigaireyo.
Embuzi iruka iraka lya motoka netiina kukwatwa habwokutasara sente zorugendo.
Kandi ente tefayo obwehurra motoka niija. Ente etwara obwiire kucwanganiza oruguudo habwokuba nemanya ekasasura sente zayo zahwayo.
You are free to download, copy, translate or adapt this story and use the illustrations as long as you attribute in the following way:
Embuzi, Embwa, N’Ente
Author - Fabian Wakholi
Translation - Kajumba Kate
Illustration - Marleen Visser
Language - Rutooro
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
