Ra Robi Olujo Biako Rii Adu?
Andrua O'du Cezerita
Little Zebra Books and Carol Liddiment
Ma'di
Oduzi alu ito ri koya meri tisi.
Robi isa naa kupi vua ka ana ayise luso ri nya.
Robi ondre ito ni naa ni kuru, andraunzi, otipa ito ito a panidri. Ho oza ere! "Nyirobi, indre imba mapa nidri ni kuya?"
Robi ojo nyidemani kiza, mide andiruku nyebemani ra ma ozi. Ki ito eri kuru, oza Robi nidri: "Nyide ta dii andidru! Oduzi alu, nyindrea madrira! Nyima uhwera!"
Naivu ito oya aci dri, ojo aci ni, "nyiya nyigwe Robi ni jo efu angwe ayise nyare rai, otu ma pani!" Aci ai, "unziku ma ozi. Midea ondi nyajokaa tediani."
Oluga, Robi efu eyiasi angwe, ido ka ana ayise nya, mgbwesa aci omvu: "Bila!" Ido Robia bini gweka.
Robi ori ooka, vua ofe eyia. Bi Robi dri ogwe yote pi, Robi olu koo: "Mabi ogwe acisipi! Nyigwe mabini ra, mabi oe iyo, mabi loso, loso dii."
Dii ra bodia Robi oya kare lolu eyi ako riiga kurii. Adri kokoako, kojo a Aci ka anigwe. Ito a asi engwi engwi egbwe Robia gweka sii, ojo: "Mingwi madria tini ra!"
You are free to download, copy, translate or adapt this story and use the illustrations as long as you attribute in the following way:
Ra Robi Olujo Biako Rii Adu?
Author - Basilio Gimo and David Ker
Translation - Andrua O'du Cezerita
Illustration - Little Zebra Books and Carol Liddiment
Language - Ma'di
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com/.