Amaulukho Wa Kukhu
Margaret Amateshe
Catherine Groenewald
Oluwanga
Odongo nende Apiyo bali bamenya mwitokho nende sabwe. Bekhoyera amaulukho. Shiili khubera lisomera liali lifunjire ta, ilali no khubera batsitsanga okhuchendera kukhu wabwe. Yali yamenya mulukongo lwo khuluba hambi nende inyanza ingali.
Odongo nende Apiyo bali no busangafu khubera bali batsia okhuchendera khukhu wabwe. Mushiro, bakasia etsiloloti tsiabo balinda oluchendo lwo khutsia mulukongo. Shibakona tawe ne bakhupa imbakha ya amaulukho eshiro shiosi.
Istuli mutsuli, barula nende sabwe mumutoka okhutsia mulukongo. Berusia okhubira efikulu, tsisolo tsimbi nende emikunda chia amachani. Babala emitoka nende okhwimba tsinyimbo.
Mufise fitutu, abaana bachonya ne bakona.
Samwana Odongo nende Opiyo yabenyosia lwo boola mulukongo. Banyoola Nyar-Kanyada, kukhu wabwe, naulukhanga khu liyambo hasi wo musala. Nyar-Kanyada mulunyolo, ne 'omukhana wa abandu ba Kanyada'. Yali omukhaye wa amani khandi we eshifwani.
Nyar-Kanyada yabasangalira nende okhubenjisia munzu niyemba ne obusangafu. Abestukhulu baye basangala okhumuha efihanwa fiabali bachinjire okhurula mwitokho. "Bolola eshihanwa shianje mberi," Odongo naboola. "Tawe, eshianje mberi," Apiyo naboola.
Namalire okhubolola efihanwa, Nyar-Kanyada yaana tsikhabi khu betsukhulu baye okhulondana ne milukha chiabo.
Odongo nende Apiyo barula erwanyi. Balonda amapurupru nende amanyonyi.
Baniina khumisala khandi besoka mumatsi ke inyanza.
Angolobe bwirire bakalukha nango okhulia shiokhulia shia angolobe. Bashilia, baanza okhukona!
Mutsuli, sabwe yakalukaha mwitokho nabalekha wa kukhu wabwe Nyar-Kanyada.
Odongo nende Apiyo bakhonya kukhu wabwe emirimo chio munzu. Basomba amatsi no okhurenya tsikhwi. Batola amabuyu ke efitakho nende okhwaya tsifwa mushirundu.
Nyar-Kanyada yechesia abetsukhulu baye okhufuka obususma obutorotoro bwo okhulira eshinulu. Yabamanyia nga okhutekha omuchele kwe inasi khulwa okhulira inyeni isambe.
Inyanga ndala itsuli, Odongo yatsia okhwaya tsing'ombe tsia kukhu waye. Tsienjira mumukunda kwo omumenyanwa. Omulimi yasinyishira Odongo. Yenya okhubukula tsing'ombe tsie khulwa tsialia efiamu fiaye. Okhuchaka nyanga eyo, Odongo yaya tsing'ombe obulayi tsilenjira mumaraba ta.
Inyanga yindi, abaana batsia khushiro nende Nyar-Kanyada. Yali ne shitalataliro shio khukusiriao eliani, esukari nende esabuni. Apiyo yekhoera okhubolera abakuli obukusi bwe ebindu.
Angolobe, banywa ichai halala. Bakhonya kukhu wabwe okhubala amapesa kayali nanyolere.
Mufise fitutu, amaulukho kawa ne abaana baba bakalukhe mwitokho. Nyar-Kanyada ymanusia Odongo ikofia ne Apiyo omuchosi.
Lwo sabwe yetsa okhubeenda, shibasangalira okhutsia tawe. Abaana baomba kukhu wabwe okhutsia ninabo mwitokho. Yamwenya ne naboola, "Ndakofula oulatsia mwitokho ta. Ndalalinda hano lwo mukalukha mulukongo khandi."
Odongo nende Apiyo bamufumberera hambi no okhumusebula.
Olwa Odongo nende Apiyo bakalukha mwisomero, bakanira abetsa babo obumenyi mulukongo. Balala baboola obumenyi bwo mwitokho nobulayi. Abandi baboola obumenyi bwo mulukongo bushira. Ilali, boosi beyama mbu Odongo nende Apiyo basangalira amaulukho nende kukhu wabwe!
You are free to download, copy, translate or adapt this story and use the illustrations as long as you attribute in the following way:
Amaulukho Wa Kukhu
Author - Violet Otieno
Translation - Margaret Amateshe
Illustration - Catherine Groenewald
Language - Oluwanga
Level - First paragraphs
Translation - Margaret Amateshe
Illustration - Catherine Groenewald
Language - Oluwanga
Level - First paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Creative Commons: Attribution 4.0
Source www.africanstorybook.org
