Àndrʉ̀ ámunɨ́ sùkúlùá kʉ Àndrʉ̀ lífù nɨ.
Àndrʉ̀ ánganɨ́ TV ndrě kʉ. Àcɨ́ àndrʉ̀ yo.
Ma dɨ́ nga àndrʉ̀ à'dʉ 'ye 'ɨ́ yǎà? Mà nga àndrʉ̀ e'yó erɨ mâ ruá mà tiá.
Òkò rɨ̀ sɨ̌, lè má mà òvù cɨ́rɨ́. Cɨ́rɨ́ cɨ́rɨ́ Mà nga e'yó erɨ mâ ngʉ́lʉ́pɨ́ mà tiá be nɨ̀.
Èè, ma cúrú'dò mâ ává 'yazà erɨ. Alɨ́á. àmvé. Alɨ́á. àmvé.
Má ecó vɨ́nɨ ává 'yá ó'dʉ́kó be. Ssssssssssssss! Àzɨ́nɨ è'yere Mmmmmm 'đɨ́nɨ rá.
Ma dɨ́ vɨ́nɨ mâ ásí erɨ tʉ rɨá! Tùtùtùtù, Tùtùtùtù, Tùtùtùtù.
Má ecó fě má ásí nɨ tʉzʉ́ mbèlè mbèlè kànɨ̀kʉ ó'dʉ́kó pie rá yǎ? Èè, ákà ombʉ́ 'bùá vàá 'bùá vǎ páalé kàlɨ̂rɨ̀ 'dɨ̀pɨ́ rɨ̀á.
Ínè dɨ́ ngà, mâ ásí nɨ dɨ́ ombʉ́ mbèlè mbèlè. Tùtù tùtù, Tùtù tutu, Tùtù!
Ákà mâ dríanzɨ yɨ ò'bà mâ drí ombeá..má ecó mâ àrɨ́ acípɨ rɨ̀ erɨɨ́ rá!
Ma vɨ́nɨ erɨ mánɨ́ guriá rá Haáhaá yè lô!
Àzɨ́nɨ owʉ́rɨá Mâ yée mâ yée!
Àzɨ́nɨ drí sarɨá. Tà tà tà tà tà tà.
Agaápɨ drɨ́á rɨ̀, ma mâ alé erɨ o'yórɨá rá. Gbʉ̀rù gbùrʉ̀, gbʉ̀rʉ̀ gbʉ̀rʉ̀.
Àzɨ́nɨ 'yorɨá: ífè mánɨ́ nyaká, Ífè mánɨ́ nyaká.
Mâ òmvʉ ecó òtɨ̀lɨ̀pátɨ̀á mà àjí ngǔ engázʉ́ mama vɨ́lé jòkónɨ̀á rá.
Mánɨ́ e'yó erɨzʉ́ mâ ruá mà tiá rɨ̀ èrɨ àndrʉ̂rʉ́ Álè ngà dɨ́ vɨ́nɨ mâ sí kálá erɨɨ́ àfa nyarɨá.
Mâ alé nɨ́ àyɨ̀kò zʉrɨá òtɨ̀lɨ̀pátɨ̀á àcɨ́ be mâ andrɨ́ɨ nɨ́ fě mánɨ́ 'dɨ̀yɨ sɨ̀.