Kolong ang'orot, alomit awi na alakara.
Pe ajienete kesi. Eng'aranakinete ng'ikauriak kech anawi tani alomana.
Na kaneni pe achamunitae kesi irudakinosi nakim.
Achamakina esubete etich kech nakwaare.
Kotere asubitae kesi a ng'amonok!
Na kaneni emuit esapat epei alosit nikalapatan nakolong.
Apei kwaar abu ekimue tolalaar. Apotu ta lokatokeng kiteng'ero ng'esi.
Na kaneni kisidioro ng'una! Abu ng'esi tokeeya anakolong anakariran.
Apotu ng'ide a ng'amonok kiyalolong'o aking'olikin lokatokech ekeyari.
Na kaneni apotu totiakut arekinet. Apotu tolemut emodol a ng'amonok ana ekeyarito kichaut ikeny.
Apotu yasi lokatokech lo arai ikeny kidiama naita emoru.
Nabo na ajipunia akolong, abu ng'esi toporo eeokinit tooma nakicha na ataparach.