Awo olwatuuka; waliyo Emmondo nga erumwa enjala, era n'etambula tambula mu nsiko ng'enoonya ekyokulya.
Nesanga omutti gw'ensaali. Netuunuulira ensaali ezali zirengejera ku ttabi waggulu.
N'elowooza nga zirabika okuwooma. Neddako emabega esinzire esobole okubuuka.
Kyoka ensaali zali waggulu nnyo. Emmondo n'egwa kyabugazi nga tefunye nsaali.
Emmondo n'esituka n'eddayo emabega ddala okusuuka weyatandikidde. Kuluno yagezaako okubuuka waggulu ko. Era yali ebuuse bulungi naye n'egwa nnyo nnyo ddala kyabugazi.
Yagezaako nnyo emirundi mingi, naye n'etasobola kutuuka ku nsaali. Era yagwa nnyo okutuusa omugongo gwayo bwe gwaggirumira ddala.
Oluvanyuma n'ebivaako n'egenda.
Emmondo eno, kino tekyagisanyusa nakamu; era yadamu neyimirira, netunulira ensaali nga bwelowooza, kyeva egamba nti, "Ensaali ezo zirabika n'okukaawa zikaawa." Netambula nga bw'ekaaba, nga n'enjala yeyongede okugirumira ddala.