Buli mundu wamanya ari intsofu ilini lilyolu lileeyi naabi.

Nekhalekho lilyolu lyetsofu lyaba limbi nalundi libalaha akari mu nweni nga silaalo.

Lwanyuma Wanatsofu umurebirebi, nga asalikha, aaba ni siireebo isi bu sisolo.

Aakana khumanya khubihamba khutiika, wakireba ari. "Lwasiina ulini likosi lileeyi?"

Wakana naabi khumanya bibihamba khu Wanapuru. Wamureba ari. "Lwasiina lulwika lwowo lwookiya imisya?"

Wakana naabi khumanya bibihamba khu Wafubu, wamureba ari. "Lwasiina urini tsimoni tsi mbesemu?"

Lundi wakana naabi khumanya bibihamba khu Koonya. "Koonya alya siina syehangolobe."

Maawe amwilamu ari, 'ukharebatsaka sirebo 'nga isyo. "Wanatsofu umureebireebi aakenda watsya wanyilwanile."

Ne Khoolo umukesi wamuloma khangu ari, "Inondekho khangu khu'nyatsa, iyo niyo isi unabonela isi Koonya alya syehangolobe."

Wanatsofu umurebirebi aalondeleele khoolo khukhwola khu'nyantsa.

Aabera lukholo, wiima khu kelemetsi walola mu'nyatsa. Koonya ili waheena?

Libaale ambi ni likelemetsi lyaloma liri, "Weenaayo." Wanatsofu murebirebi wilamu ari, "Weenaayo. Manya unyala amboleela syesi Koonya alya syehangolobe?"

Libaale liri, "Inama ikhumonyele." "Yinama lundi, lundi." Wanatsofu Umurebirebi ilosela khukhwinama, "Asi, asi khukhwolesa."

Amanyiliila "Katu!" Lilyolu lyewe lili mulusaya mwa Koonya Khoolo akhwekhwenukha ari, "Koonya atsa khukhulya nga sye hangolobe."

Wanatsofu umurebirebi wisimikha khubikele byewe bye takho wakhweesa, wakhweesa, wakhweesa. Ne'nga Koonya nayo akhweesa nga salekhula ta.

Kamoolu kawanatsofu umurebirebi katsanukha, katsanukha, katsanukha khukhwoleesa nikakhalikha. "Katu!" Wekhupa haasi Kumuwulo bbu! Makalama.

Mwirima lye khusubwa sye hangolobe anyololokha wikhupa mumetsi.

Wanatsofu umurebirebi aalooleela lilyoolu lyewe litsanuhile nga sabona isi lyakama ta.

Lyaba lyaleeyiile nga limunyalisa ni khubuta bibyano khukhwama khu tsisoca tsindeyi.

Nikhukhwihanyakila kametsi mwihangilwe.

Nikhukhwolisa syaleelo, tsitsofu tsili ni kimikhono kimileeyi kitsiyeeta.