Buli mundu yamanya mbu inzofu ili nende amolu amarambi.

Khale khale, amolu ke inzofu kali membikiti khandi amakhomefu. Ngala eshilaro akari wa mubweni.

Inzofu yebula omwana mwangu omuchesi. Yali nende amarebo khu buli isolo.

Yenya okhumanya khu itika. "Shichira oli nende likosi lirambi ni shina?"

Yenya okhumanya khu imbongo. "Shichira obe nende olwika olumemu ni shina?"

Yenya okhumanya khu ifubu. "Shichira obe nende tsimoni tsinzakhanyu ni shina?"

Yenya okhumanya muno khu ikwena. "Ikwena ilitsanga shina angolobe?"

"Walarebakho lirebo shinga elio tawe," mama waye namkania. Yatsia nasinyishe.

Halali likhokho lichesi nilimubolera, "Nondakho khutsie mumwalo. Eyo, olalola shie ikwena ilitsanga angolobe."

Kho mwana wa inzofu nalonda khu likhokho mumwalo.

Yabura mumaturu ne niyema khulukuku. Nalenjera mumwalo. "Ikwena ili yena?"

"Orie," lichina liali khulukuku lwo mwalo limushesia. "Orie," mwana wa inzofu nakalusia. "Aundi wakhambolera shie ikwena ilitsanga angolobe?"

"Inama ekhubolere," lichina niliboola. "Asi, asi" Omwana we inzofu natsirira okhwinama asi okhula.

"Kamu!" Amolu kali mumunwa kwa ikwena. "Ikwena ilakhulia angolobe," likhokho neliboola.

Omwana we inzofu yekhala khufilenje fiaye efia amani, nakhwesa, khandi nakhwesa, khandi nakhwesa. Ikwena shiyamulakhula tawe.

Amolu ko mwana we inzofu nikatanyukha, khandi nikatanyukha, khandi nikatanyukha, okhula "Duuffff!" Nakwira omukongo.

Ikwena yasinyikha okhukosia shiakhulia shieingolobe, niimiukha mumatsi.

Mwana we inzofu yalenjera molu kaye. Shiyanyalirwa okhulola wakaakamira tawe!

Kali amarambi, yanyalirwa okhwakula matunda khumasaka akulu.

Nende khwisinga na amatsi inyanga yo ombasu.

Na okhula lero, tsinzofu tsiosi tsili na amolu amarambi muno, kobukhonyi.