Yali nyanga yeshimiu mushitsuru eshimiu.

Liche liali nelibulile amatsi khutsinyanga tsinyinji.

"Ndenya imburo ya matsi kata khurula khwisafu."

Kata lime liali niliumire.

"Nindalanywa tawe, ndalafwa," Liche nelirira. "Ndalatsia mumwalo kwembuliranga."

"Omwalo kulakhwishia," Eshituyu eshichesi neshibolera Liche.

Liche liali nende obulo muno. "Ndalafwa nindalanywa amatsi tawe."

Liche liatsia okhukhaba omwalo.

Nelibura obunyasi obumu nende amasaka amomu.

Khula lelianza okhuulira omwalo nekuwola.

Liche lianywa imburo ikhongo ya matsi.

Liasangala muno ne silialola lirunde likhongo nilitsa tawe.

Liche liatema okhutira obunyasi obumu bwali nobubenganga khumatsi ne omwalo nokulikhomolosia.

"Khonya, bane khonya."

"Ninakho lwangu," Liusiu neliboolera Liche nelilumire lisaka khumunwa.

Liche liebashe liri, "Sindalatsia neshiri okhupira Liusiu orio tawe. Ndalalinda okhula ngala liletsa okhunywa matsi."

Inyanga ndala nilishilindanga, abasiani babiri betsa mumwalo nende tsifandili.

"Liliwo liusiu likhongo lia rachari litsanga okhunywa matsi ano," omusiani mulala naboola. "Khulalira angolobe."

"Sindalafuchirira abasiani beere Liusiu lirachari tawe. Alali endi omutiti muno. Ndalakhola endie?" Liche liebara.

Mufise efio, Liusiu lirachari liayera okhurula khumusala khunywa matsi.

Liche liali nende inganakani.

Liaruchira khu shirenje shia musiani mulala neliluma efitinyu muno.

Omusiani yaruka. "Uui!" Nakhupa oluungu.

Liusiu liesundukha nelipurukha okhwionia.

Endio no olwa Liche liakhupira Liusiu orio khulwa okhulionia.