Kainyoo Pee Meata Olmakau Ilpapit
Basilio Gimo
Little Zebra Books
Maa

Ore nabo olong, neim enkitejo embata olkeju.

1

Netii sii ninye olmakau, egira aloolo nenya inkujit naanyori.

2

Neitu edol olmakau ajo ketii sii ninye enkitejo. Neroro enkeju enkitejo. Neyietu enkitejo nejo, "Lo makau! Emidolita doi ajo kitororua enkeju?"

3

Nejoki olmakau enkitejo pee epaliki, "Tapalikiaki olchore lai. Eitu aadol. Tapalikiaki!" Kake eitu ening enkitejo, nebuaaki olmakáu, "Itootikio! Idol ai olong! Ilak!"

4

Nelo enkitejo aing'oru enkima nejoki, "Shomo, tapejo olmakau tenepuku te nkare alotu anya inkujit. Aatororua!"  Nejoki enkima, "Metii enyamali, enkitejo olchore lai. Kaas ina."

5

Ore ai rishata enyaita olmakau inkujit tenelamita olkeju "Uusho!"  Neyupuyup enkima neiteru anya ilpapit lolmakau.

6

Neiteru olmakau aishir nekuet alo atua enkare. Kake etapejote ilpapit pooki. Neishir olmakau aja, "Etapejote ilpapit laainei! Itapejo ilpapit laainei pooki! Mekure aata ilpapit laainei sidain."

7

Ina oshi pee melam olmakau enkare. Keure ajo kenya enkima. Etishipe enkitejo pee edol ajo etapeje olmakau, nejo, "Aitalakua!"

8
You are free to download, copy, translate or adapt this story and use the illustrations as long as you attribute in the following way:
Kainyoo Pee Meata Olmakau Ilpapit
Author - Basilio Gimo, David Ker
Translation - Leonard Kotikash
Illustration - Little Zebra Books, Carol Liddiment
Language - Maa
Level - First paragraphs
© Little Zebra Books 2014
Creative Commons: Attribution 4.0
Source www.africanstorybook.org
Original source http://www.littlezebrabooks.com