Enkolong nairowua te atua entim natoyio.

Neitu eok enkalaoni enkare too' nkolong'i kumok.

"Kayieu olkitong'ati le enkare, odou ata te embeneyeio."

Kake etoyio sii ninye enkoileelio.

"Tenamatum enkare, naa kaye," neishir enkalaoni. "Kalo olkeju latoning'oyie."

"Ekinap olkeju aya," neliki karbobo ng'en.

Kake keata enkalaoni enkure naleng. "Kaye tenamaok enkare."

Nelo enkalaoni aing'oru olkeju.

Nedung atua inkujit naatoito, nedooyo too' inkeek naatoito.

Ometoning'o ilopir le enkare naruko.

Neng'obu enkalaoni enkare nairobi.

Neshipa naleng. Neitu edol olopiro le enkare elotu.

Nenyok enkalaoni ajo aibung inkujit, nkeek kake ewa enkare.

"Entaretuoki. Entaretuoki sii ake."

"Tasioki, takedo," nejoki enturkuluo naibor, eibung'ita olng'osila te enkutuk enye.

"Malo omatiaaki enturkuluo ashe. Katon aanyu omeeu aok enkare."

Ore nabo olong egira aanyisho, neponu inkayiok are naata inareta oo motonyi.

"Etii enturkuluo naibor sapuk nalotu oshi ene aok enkare," nejo enkayioni nabo. "Ekinya taata teipa."

"Maisho kuna ayiok ear enturkuluo naibor. Kake kara kiti, kaa aas?"

Ore ina kata ake nedou enturkuluo naibor tolchani alotu aok enkare.

Neyiolou enkalaoni enaas.

Neipidoki enkeju e enkayioni, neony oleng.

Neipid enkayioni!

Neing'asia enturkuluo naibor. Neisik alo eserian.

Neija eikuna enkalaoni teneisho enturkuluo naibor enashe te enkaraki naitajeuo.