Imbusi, Imbwa ni Ingaafu baaba basaale naabi. Shifukhu shitweela baakyendakho. Batsiila mu imotokha itakisi.
Ne ni boola isi batsya, kondakita waabasaba kamapeesa. Ingaafu yaasasula.
Imbwa nayo yaasasula kakaafuurisawo.
Ne Imbusi yaafulumukha tsiindimo, yaakorawo nga akhusasula taa!
Umutimisi we motokha wahaambibwa lirima. Waafuka busa waatsya, nga akhusasula Imbwa kamapeesa kaayo taa.
Shino shaayamilamo Imbwa nga yaboone imotokha niibira, ikitimisa. Yeenya khuubona nga umufuki we motokha uulimo akikobosela kamapeesa kaayo.
Ne Imbusi nga yaaboone imotokha, niyo yaandaba tsiindimo. Yambaasa iri banakihaamba bakibohe khulwe likobi.
Ingaafu niyo siyilukha imotokha taa. Nashiryo imotokha yangaba ili aambi, Ingaafu niyo ikyeenda mbola busa, sifayo taa. Yaamanya iri yaasasula likoobi khaale.