bushiku bumo namwene umuseke nabaubika baka suba panse ya ngánda yaba mama. Lintu naipwishe icasuko bampele cakutila " museke wandi uwa cisungusho."

Mupepi no museke pali amabula ya nkonde ayengi ayo bamama balepilibula mukukonkanya. nalefwaisha ukwishiba .

"Amabola yanshi mama?" nalipwishe. Icasuko bampele cakutila, "'mabula yandi aya fisungusho."'

Chaleumfwika bwino ukutamba bamama, inkonde, amabula ya nkonde no museke. Lelo bamama balitumene kuli bamayo.

" Mama, napapata, lekeni ntambe uko mulepekanya." " Welapanga ifitala wemwana, cita ifyo nkwebele," palikoselepo. Nalile ulubilo.

Lintu nabwelele, bamama baikele panse ukwabula umuseke ne nkonde. "Mama, umuseke ulikwi, nge nkonde shonse shilikwi, nga..."

Lelo icasuko bampele cakutila, " Fili mu ncende yandi iya fisungusho." Nalyumfwile ububi.

Panuma yanshiku shibili, bamama balitumine ukuya bula inkonto ku cipinda kumwabo. nalyumfwile ichena ca nkonde shapya.

Kumuputule umbi kwali umuseke ukalamba uwa bamama. Baufishile mucakufimbana cakale. Nalifimbwile nakunosha ichena cisuma.

Ishiwi lya bamama lyali ntinishe, "finshi ulecita? endesha leta inkonto yandi." Nalifumine ne inkonto yabo.

" Finshi ulesekelela? Bamama balipwishe. Ichipusho cabo calengele naisheba ukutila ncili nde sekelela paku sanga incende yabo iya cisungusho.

Ubushiku bwakonkelepo bamama baishile mukutandalila ba mayo, nali butukile kumwabo mukumona inkonde nakabili. Kwali inkonde ishapya ishingi.

Nalibulilemo lumo nokufisa mwi laya lyandi. Panuma ya ku fimba pa museke, naile kunuma ya ng'anda nokulya ulu nkonde ulubilo. Lwali lu nkonde lwa lowesha pa nkonde shonse isho na lyapo.

Ubushiku bwakonkelepo , ilyo bamama bali mwibala baleswa umusalu, nalingile bwangu bwangu noku lengela inkonde. Mu pepi nashonse shali pile. Nalibulelemo shine.

Elyo naleendela patu kondo ukuya kucibi, naufwile bamama bali kola panse. Nakwanishe fye ukufisa inkonde mwilaya yandi nokupitilila.

Ubushiku bwakonkelepo bwali bushiku bwakuya kucisankano. Bamama bali bukile lucelo celo. Lyonse balesenda inkonde shapya na kalundwe kucisankano mukushetisha.

Nshaendeshe ukuya mukubamona bulya bushiku. Lelo nalefilelwe uku ba sengauka panshita ntali.

Mucungulo bushiku balenjitile kuli ba mayo, ba tata na bamama. Naleshibe umulandu.

Bulya bushiku ilyo nalambalele, naleshebe ukutila teti njebe nakabili. Te kuli bamama, aba fyashi bandi nangula kumuntu uuli onse umbi.