Sêe a há̧na lé, hɛ̧sâ̧nyri̧ zi tí ka bɔʼɔ yá.
Maguru hí̧ bɔʼɔ hí̧ ɓá njukuri mbɛ́ŋ.
Maguru zi ɓay hí̧ bɔʼɔ hí̧ hɛ̧sâ̧nyri̧ too.
Hɛ̧sâ̧nyri̧, kú zi ɓay a bɔʼɔ ɓay kú séséna rú rá̧ ɓay a ŋgú ŋgúna rú.
Ŋgɛ́rɛ mambá hí̧ hɛ̧sâ̧nyri̧ ɓay a kú koro ka tûl ɓil.
Gelka nâmké ka̧ dáy, hɛ̧sâ̧nyri̧ too, tí koro gí ɓá nzáʼaŋgboro a Maguru.
Maguru hí̧ hɛ̧sâ̧nyri̧ bɔʼɔ rá̧ ndɔyri kɔ́.
Hɛ̧sâ̧ny a fékéri tí ndá nday, a fékéri tí léna.
A kú sá: Mi tí koro ka tûl ɓil ɓáy mbaa.
Rɛʼɛlɛmbɔ̂m ɓá kɔ́rɔ́ hɛ̧sâ̧ny a ɓil sɛ̧w a kuriri too.
Maguru hí̧ bɔʼɔ hí̧ Rɛʼɛlɛmbɔ̂m kɔ́.
Rɛʼɛlɛmbɔ̂m sá ka sáʼa ka mûn rína ɓá: Mi séséna ɓá gánáké.
Fal a Rɛʼɛlɛmbɔ̂m lé, sôy gí vú ɓá kɔʼɔrɔyá, í hí̧ mi bɔʼɔ kɔ́.
Sôy sá hí̧ Maguru ɓá, mi ná nâm tapát.
Maguru zi ziŋ bɔʼɔ ɓay a hí̧ sôy yá.
Tí ka sêeké nɔ́, sôy kaw zoko dad ɓay a ziŋ bɔʼɔ.