Nzolu ne Dinyongwela bavu balunda. Kadi bavu basue kukokangana misangu yonso.

Dituku dikuabu bakapangadija bua kunaya ndundu bua kumanya uvu mupita mukuabu.

Bakaya ku tshipalu tshia ndundu ne kubangabu kunaya. Dinyongwela divu dipepela bikole kupita Nzolu.

Dinyongwela divu ne miketa mikola bua kukuata. Biobu kufikisha Nzolu tshiji.

Bobu kuambilangana bua kuya ku pernati. Dinyongwela kubueladi mu kazubu.

Nzolu kumuelayi anu ndundu umue.

Kadi pakabuela Nzolu mu kazubu, Dinyongwela diakamuela ndundu wa kumpala wa dikasa, pashishe diodi kumudinga, kumuela mdundu muibidi, kumueladi ndundu muisatu wa mutu.

Ndekelu wa bionso Dinyongwela diakela pernati yonso itanu.

Nzolu kufikayi munda bua ndundu itanu ivuabu bamuela.

Dinyongwela diakamuseka bikole ne kumueladi tshibingu.

Nzolu wakafika tshiji bikole, yeye kumina Dinyongwela.

Pavua Nzolu wenda upingana ku mbelu, wakasambakena ne mamuende wa Dinyongwela mu njila. Ke mamuende wa Dinyongwela kumukonkaye ne, «Kuenaku mummuenena muananyi anyi?»

Nzolu kakamuandamuna to. Mamuende wa Dinyongwela kubangaye kupampakana.

Pashishe mamuende wa Dinyongwela wakumvua diyi difumina munda mua Nzolu diamba ne, «Mama wanyi, mama wanyi ngambuluisha koku!»

Mamuende wa Dinyongwela wakamuandamuna ne, «Enza mudimu ne makole eba a midima muananyi.»

Dinyongwela diakabanga kupatula mupuya mubola. Mupuya awu wakatonda Nzolu bikole.

Nzolu kupetaye tshinyunganyunga, yeye kubanga kokulola ne kuela nyanshi.

Bu muvua Dinyongwela dibanga kununkila Nzolu bibi, nzolu wakadiluka.

Ke diodi ne mamuadi kuya kusokoma kulu kua mutshi.

Kutuadijila anu ku dituku adi nzolu ne dinyongwela bakashala bakinangane.