Iŋîŋîala Imôlî aduri lîawa abalaî akura-hêjû. Igigilo nyia inyi jio abala duo inyi.

Ettê îfî êtamîjananî kura jio awak inyi îmîjana abala kura-hêjû iko aduri lîawa hulia.

Awojik êtamîjananî kura buo ahas ihuluk.

"Jio asukul ana, aŋatanî abala kura-hêjû jio aduri lîawa hama," ajio êtamîjananî kura.

Ajiori aduri lîawa jio Imôlî jio ijiara Imôlî ôlô îbala akura-boi.

Ojiori isi jio ara akura-boi ahônô aduri ŋoruo buo akura-hêjû ara ahônô aduri lîawa.

Tô ebotie hôlôŋ, awon nyia asukul bô Imôlî iko abala kura-hêjû iko ôsûarî hosi.

Ihawwa nyia êtamîjananî kura nyio oŋuaî nyia ôlômîjak bala kura-hêjû hosi.

Abana Imôlî jio êtamîjananî kura jio, "Hibe-awôtô, ijiara nanî abala."

Abeŋ êtamîjananî kura ômîjak êhan adî inyi êram Imôlî anîa aŋaî. Ettê iŋut jio ijiara Imôlî abala.

Ogôl nyia abala kura nyia.

Ihiji saa êttûbît êttêrî, ittuloi nyia abalak kura hulia.

Tô êtarrîhî hiji-saa, ikosoni akura jio Imôlî. Ettê Imôlî îŋîôrôrî akura fîr-fîr-fîr ahômôm îtîgîrî.

Ettê Imôlî ikosonia akura itua îtîgîrî bêbê, êttê îtajiŋana wîrîs.

Ettê êŋîŋîalak-kura ꞌdaŋ ituruhonia asita buo omunoi.

Many jio ôlôŋ lîa, aŋatak nyia asukul bô Imôlî jio ijiara aduri ŋoruo buo fê abalaî akura-hêjû isukul.