Lexi i xitori xa mulanguteri na ntanga wa yena wa swiharhi swa swisiwana.

Mhawuri a yi ri n'hweti ya migingiriko ya valanguteri na vapfuni entangeni.

Mkite wa lembe rin'we u sungule a fika.

U fikile hi lori ya rihlaza ya khale.

Mulanguteri na vapfuni va yena a va twela Mkite vusiwana ngopfu.

A a ondzile a tlhela a tsana.

Kambe sweswi, Mkite u tiyerile.

U sungurile na ku tlanga na swin'wana swiharhi entangeni.

Siku rin'wana hi Mhawuri, xihahampfhukaphatsa xi phatsamile entangeni.

Mulanguteri na vapfuni va yena va tsutsumele ehandle.

Endzeni ka xihahampfhukaphatsa a ku ri na xindlopfana xi funengetiwile hi nkuma.

A ku ri Ndiwa.

A ri na malimbe ma ntlhanu.

Mulanguteri a mamisa Ndiwa bodhlela.

Xiharhi xa vunharhu n'hweti yaleyo a ku ri Malea.

U fikile entangeni hi teretere yo tshwuka. A ri na tin'hweti ta tsevu.

Malea wa mhelembe u fikile a va munghana na Enkare, n'wana wa nyarhi.

A va famba swin'we.

Vusiku byin'wana hinkwavo va pfuxiwile hi ku fika ka Ambia.

Ambia a ri na ntlhanu wa tin'hweti hi vukhale.

A karhele endzhaku ka riendzo lero leha.

Hikwalaho ka nhamu ya yena yo leha, mulanguteri a khomile bodhlela ehenhla ku mamisa Ambia.

Mahahlwa mo solekana Abei na Moit va fikile exikarhi ka Mhawuri.

Timhala leti a ti ri na tiawara titsongo hi vukhale.

A ti vabya ngopfu.

Hinkwavo a va gonekile loko Abei a lova endzhaku ka vhiki a fikile entangeni.

Kambe mulanguteri na vapfuni va yena va ponisile Moit.

Swisiwana swo hetelela ku fika hi Mhawuri a ku ri Kopi, Kepi na Keji.

Marhole lama a ma ri na mavhiki mambirhi hi vukhale.

A ma khomiwile hi ndlala loko ma fika.

Mulanguteri na vapfuni va yena, a va rhandza swiharhi hinkwaswo, hambileswi swi huwelaka etlhelo.

N'wana loyi a karhata ngopfu a ku ri Lobolia.

Lobolia a tsakela ku fihla manghilazi ya mulanguteri.

Vanhu entangeni a va tirha ngopfu ku langutela vana va swiharhi.

Va tshemba ku ri siku rin'wana swisiwana swi ta kota ku tihlayisa.

Swi nga kota ku tlhelela enhoveni.

Swi na malembe mangani na kona i swingani? Hlaya xitori nakambe ivi u hlamula swivutiso.
1. I swiharhi swingani swi nga hanya entangeni hi n'hweti ya Mhawuri?
2. I mani a nga fika hi n'hweti yo sungula?
3. Xana xiharhi lexi a xi ri na malembe mangani?
4. I vamani va nga fika emakumu? Xana swiharhi leswi a swi ri na malembe mangani?
5. I swiharhi swihi a swi ri leswitsongo?
6. A swi ri na malembe mangani?
7. Xana hi xihi xiharhi lexi a xi ri lexikulu lexi nga fika hi Mhawuri?