Kale saana, takwali inama iyakwete amoolu.

Shonse shaleikulafye.

Abantu fye epela ebakwete amoolu ayo Mununga abapeele.

Ubushiku bumo, Mununga atontonkenye ukupeela amoolu ku nama shonse. Aalefwaya ukuti shleyenda.

Aalishebele shonse pa mulandu wa moolu.

Inama shatile, "Cikawama nga twakwata amoolu."

Shalimbile na ukucinda.

Inama shatile caliba cayafya ukuikula.

Shaleumfwa ubukali.

Ubushiku ilyo bwafikile, inama ishingi shaliya ku ng'anda ya kwa Mununga.

Indyabulula, inkolamo, onsofu, utululu, ing'wena neefyuuni fyalitanteme mu mulongo.

Cila nama yalipeelwe amoolu yane.

Ifyuni fyalipeelwe amoolu yabili-yabili.

Ifilengwa na leesa fyonse fyali ifyapusana pusana panuma yakupeelwa amoolu.

Shimo shalecinda ku nsansa, shimbi shalepona.

Shalile ukuya langa abantu.

Shonse nama shatiile, "Tatwakatale atuikulapo nakabili."

Inama yaleekelesheko mu mulongo yaali Ciyongoli. Mununga alipwishe, "Bushe kuli nashimbi panu yoobe?"

"Iyo mukwai, nine wakulekeleshako," efya aswike Ciyongoli.

Mununga atontokenye ukuti, "Ciyongoli ewakulekelshako, nalacita shani ku moolu yashalapo?"

Mununga apeele amoolu yashelepo yonse ku Ciyongoli.

Ciyongoli aalitemenwe.

Aatile, "Nakula endesha ukucila bambi."

Panumafye Ciyongoli aile, Insoka yaishile kung'anda ya kwa Mununga.

"Mununga, shimpeniko amoolu," efyo Insoka yapapeete.

"Nimpeela amoolu yonse. Waaciba kwi?" efyaipwishe Mununga.

Insoka yatile, "Nalilalishe."

Mununga aliloleshe ukumona nga kwali amoolu yashelepo.

Tasangilemo neelyo yamo.

Mununga afumiine panse nookutila, "Cabipa we Nsoka, takuli amoolu ayashele." Insoka yaikulwilefye yaya na kung'anda ukwabula amoolu.

Ukufuma bulya bushiku insoka tailaalisha. Lyonse iloleela inshita ikapoka amoolu.