Caali mulusuba ninshi nakasuba kalebalikisha na mu mpaanga na muuma.

Kanyelele tanwinepo ameenshi pa nshiku ishingi.

"Ndefwaya itoni lya meenshi nangu fye lya kutona kwibuula," efyasosele Kanyelele.

Umuume nao walyumine.

"Nga nshinwinepo ameenshi nalaafwa," efyalilile Kanyelele.

"Mfwile ukuya ku mumana banjebapo."

"Umumana nawisula ameenshi na umukuku ukalamba. Uleekusenda," efyo akabundi kamano kamusokele.

Lelo Kanyelele aali na icilaka saana. "Nalaafwa nga nshinwinepo ameenshi."

Eico aalile mukufwaya umumana.

Apitile pafikako fya fyaani na pa misambo yauma.

Alyendele mpaka aumfwile uko ameenshi yaleesansa.

Waali mumana! Alyumfwile amabimbi ya meenshi.

Kanyelele anwine ameenshi ayatalala ukwisusha ulupi.

Atemenwe cibi icakuti tamwene nooko ibimbi lyaleeisa.

Kanyelele alyeseshe ukwika ku caani caleyelela ukupita apo ali.

Lelo bali musendele ku meenshi.

"Mutuule! Mutuule!" efyo apundile.

"Endesha, niina apa," efyo Nkunda yabuuta yatile, naikata akamusambo mukanwa kaiko.

"Nalaaikala pano pakuti ntashe Nkunda," efyo Kanyelele atontonkenye.

"Nalaalolela mpaka abwele mukunwa ameenshi."

Ubushiku bumo ilyo aaleelolela inkunda, abalumendo babili baishile ku mumana.

Baliikwete amalegeni yakulashilako.

"Kwaliba inkunda iyabuuta iisa pana mukunwa ameenshi," efyalanda umulumendo umo.

"Twalaipaya walaba munani wacungulo."

"Nshaleke abalumendo ukwipaya inkunda yabuuta," efyatontonkenye Kanyelele.

"Lelo nalicepesha saana. Nalacita shani?"

Bwangu bwangu Inkunda yabuuta yalipupwike ukufuma ku cimuti ukwisa mukunwa ameenshi.

Kanyelele atontonkenye ifyakucita.

Yatolokele pa kulu kwa mulumendo. Kanyelele yalisumine umulumendo pamaka saana.

Umulumendo aalitolweke. Elyo apundile,"Maaayo!"

Inkunda ya buuta efyo yatulumwike nookupupuka.

Efyo yapuswike.

Efyo Kanyelele atooteele Inkunda yabuuta pakumupususha bamupuswishe.