Sakima aaleikala naba fyashi bakwe pamo nankashi yakwe uwa myaka
ine. Baleikala pancende ya mukankaala. Ng’anda yabo iya fiilu yaikeele
kumpela yamiti.

Lintu
Sakima aali nemyaka itatu, alipofwike kumulandu wabulwele. Sakima aali
umulumendo wetalanta.

Sakima aalecita ifintu ifingi efyo abalumendo bamyaka mutanda
balefilwa. Mukulangilisha, aleikala paba kulu bamumushi na ukulanshanya
pamafya yacindima.

Abafyashi bakwa Sakima baalebomba pa ng’anda yamukankaala.
Baalefumapo kumaca nokubwela inshita yabushiku. Sakima aleshaala na nkashi yakwe

Sakima
aalitemenwe ukwimba inyimbo. Bushiku bumo ba nyina balimwipwishe, “Usambilila
kwisa ishi nyimbo Sakima?”

Sakima
alyaswike ukutila “Nashishibafye ba mayo, nda shumfwa mumutwe elyo nashimba”.

Sakima alitemenwe ukwimbila nkashi yakwe, maka maka nkashi yakwe
ngaumfwa insala. Nkashi yakwe aalekutika Sakima ale imba ulwimbo atemenwe saana,
ninshi ayamba ukuyisunsuntila ku ci unda ca lwimbo.

Nkanshi yakwe aalepapata “bushe kuti waimba nakabili Sakima.”  Sakima aalesumina na ukubwekeshapo ukwimba
ulwimbo. Imiku iingi.

Bushiku
bumo lintu aba fyashi bakwe ba bwelele pa ng’anda, bafikile tondolo. Sakima
aalishibe ukutiila pali ifilubene.

“Nindo
ilubene ba mayo na ba tata?” efo ayipwishe. Sakima alisambilile ukutiila
umwana wamukankaala aali luba. Umukankaala aali uwa cikonko nowabulanda.

“Kuti
na mwimbila. Kuti aikalako uwansansa nakabili,” abafyashi bakwe bamwipwishe
ukutiila. Uyu muntu mukankaala saana. Uli mulumendo wapofuka amanso epela.
Uletontokanya ukutiila ulwimbo lobe elwinga mwafwilisha?

Sakima
taanenwiike. Nkashi yakwe aalimwafwilishe. Atiile, “Inyimbo shakwa Sakima
shilantalalika elyo ndi nensala.” Shi katalalika na umukankaala.

Ubushiku
bwakonkelepo, Sakima ayebele nkashi yakwe ukumutungulula kung’anda
yamukankaala.

Aiminine
mwisamba lya nsolokoto nokwamba ukwimba ulwimbo lwakwe. Panono panono, umutwe
wamukankaala wayambile ukulanga pansolokoto.

Aba bomfi baalekele imilimo yabo. Baalekutika to lwimbo lwakwa
Sakima ulwawama nganshi. Abaume bamo basosele ukutiila “tapaaba nangu umo
uwakwanisha ukutalalika ba bwana. Bushe uyu mulumendo wapofuka alemona kwati
kuti abatalalika?”

Sakima alipwishishe ukwimba ulwimbo lwakwe nokupilibuka ati
ambeko kumwabo. Nomba umukankaala alifumine panse nokutila “Napapata, imba
nakabili.”

Ukutula Ubushiku bulya, abaume babili bafikile nabasenda umuntu
pamacila. ba sangile umwana wamukankaala napumwa nokushiiwa kumbali ya
musebo.

Umukankaala aali uwa nsansa pakumona umwana wakwe nakabili. Aali
lambwile Sakima pa kumutalalika kumutima. Asendele umwana wakwe na Sakima ku
cipataala mukumona nga kuti Sakima amona nakabili.