N tɩ taba aŋgʊlɔ, ɩ ta jɩ̂ wàà, ɖulinya kaaɖu gaɖǝn nɩ
aŋgʊsʊ̀rá gʊ kɔɔ ɖa, gʊ ɖoo amʊ ma.
Na lǝ bʊlei ɖaa amʊ ma,
awʊɖa aŋʊrʊ ɩpǝlǝpǝlǝka ɖaa amɩja ma,
naa akɔɔ wʊɖa amɩnyine na amatɔ kasʊ̀rá
anyɔnna aŋgɩlɛʊ.
Naa asǝra na lee bʊkɔ mbʊɖee n na lee ma,
na k'a sǝ̂ra alee bʊkɔ mbʊɖee kǝ ma sǝ̂ra alee ma na.
N kiɖe akiɖe bʊɖu bʊŋunii na yɛɛ aŋgʊsʊ̀rá. N ce gaɖukamakamaka akiɖe àyó asir akal
akiɖe àlaŋ n'atǝn,
anyɔnna bʊyɛ bʊŋunii.
Kǝ ma ŋǝ aŋgʊsʊ̀rá na.
Amʊnɖǝnɖǝn n ɖa ka ɖaa amʊ ma, ɖulinya nɩ, aŋgʊsʊ̀rá gʊ mana oo ! Ɩjá nɩ !
Ama k'ɩ lee ashee amʊ kanɖǝnɖǝn na. K'á ŋǝ gǝŋ aa ? Akɩ gboo akʊʊsʊ̀rá gʊ mana.