Andiswa aaletamba
abalumendo baleteya umupila wakumakasa. Aalekabila ukuteya nabena. Aalilombele bakafundisha bamupila nga kuti bamusuminisha.
Bakafundisha ba mupila
babikile amaboko mumusana. Basosele ukutiila “Pano pa sukulu, abalumendo
beka eba suminishiwa ukuteya umupila wakumakasa.”
Abalumendo bamwebele
ukutila akaye mukuteya umupila wakuminwe uwa netibo. Ba sosele ukutila umupila wakuminwe uwa netibo ewabakashana.
Andiswa aalifulwa.
Ubushiku bwakonkelepo,
isukulu lyali nokuteya ubwangalo umupila wakumakasa uukalamba. Ba kafundisha bamupila baali sakamana pantu kateya wamupila bakwata umukali aalifilwa ukuteya pantu aalilwala.
Andiswa aalipapata kuli bakafundisha
bamupila, “Napapta, lekeni nteye.”
Ba kafundisha bamupila
tabaishibe ifyakucita.
Elo baishile suminisha ukutila
Andiswa kuti aisansha pebumba lya bakateya bamupila
Ubwangalo bwali
kosa. Tapaali aba ingisheko mucipande cabumo.
Mucipande cabubili
mu bwangalo, Andiswa aalisendele umupila. Aali butwike saana ukulungama kucipanda.
Andiswa aali pantishe
umupila nokwingisha.
Ibumba lyali
temenwe ngashi.
Ukutula Ubushiku
bulya, abakashana baali basuminisha ukuteya umupila wakumakasa.